Vinje Kommune

17. Mai feiring i Vinje kommune

rlo@vinje.kommune.no (Reidun Lofthus) — Tue, 15 May 2012 10:05:47 GMT

Me legg programma ut etterkvart som me får dei inn frå 17. mai komiteane.

Åmot:
Vinjehuset

Tidspunkta for programmet i år vert endra sidan vi har korps frå Rauland.

Kl. 07.00 Salutt
Kl. 11.00 - 12.00 Underhalding ved 6. klasse Tale for dagen v/Ole Dalen, Allsong v/ Liv Lofthus
Kl. 11.00 Kiosken opnar
Kl. 12.00 - 13.30 Mat, kaffi og kaker, loddsal, leikar, fiskedam
Kl. 13.30 - 13.55 Andakt ved Svein Ringhus
Kl. 13.45 - 14.00 Oppstilling til tog ved Vinjehuset. Rauland musikkorps spelar for oss
Kl. 14.00 - 14.45 Toget går frå Vinjehuset til Vinje sjukeheim, appell av 10. klasse, går vidare til Vesaasparken

NB! Ingen parkering ved Vinjehuset, parker på Groven camping eller i sentrum.

Vinjar:
Messe i Vinje kyrkje kl. 12.15
Tog frå kyrkja til Vinjar kl. 13.00

Program på Vinjar ca kl 13.30: Elevar legg ned blomar ved statua av Aasmund Olavson Vinje

Program inne:
Allsong
Tale for dagen v/Tor Eivind Erikstein
Program med elevane
Allsong

Mat kr 100,- for vaksne,
kr 50,- for ungdomsskuleelevar
Gratis for born.

Sal av is, brus og pølser. Leikar for borna.

Rauland:
Kl. 10:00 - Tog frå Kromviki- krysset til Rauland kyrkje
Kl. 10:30 - Messe i Rauland kyrkje
Kl. 11:45 - Tog frå skuleplassen gjennom Setalidfeltet til Rauland omsorgsenter. Stopp ved omsorgsenteret for musikalsk helsing til bebuarane. Toget gjeng attende til skuleplassen.
Kl. 13:00 - Sal av mat og drikke i Raulandshallen.
Kl. 13:30 - Leikar for borna
Kl. 15:00 - Underhaldning i Raulandshallen. Film for dei minste i festsalen

Edland/Haukeli:
Kl. 11.00 Messe i Grunge Kyrkje
Kl. 13.00 Korpset spelar på Norheimstunet
Kl. 13.15 17. mai-tog ned til skulen
Kl. 14.00 Korpset spelar på Edland skule
Kl. 14.15 Graut i festsalen

Leikar og moro

Kl. 19.00 Festprogram på Edland samfunnshus

- Sondre Bratland talar
- underhaldning
- dans til levande musikk!

Det er inga aldersgrense, men alle born må ha med foreldre!

Inngangsbillett:
Vaksne over 16 år: 100,-
Born under 16 år: 50,-

Øyfjell:
Kl 10.00 Samling på Grendehuset
Kl 10.30 Tale for dagen v/Gunnar Ofte
Kl 11.15 Mat
Kl 12.30 Leikar og underhaldning
Kl 13.45 Kaker, loddsalg og loddtrekkning/premieutdeling (trekkinga må starte seinast 14.40)
Kl 15.15 Rauland musikkorps kjem, tog til kyrkja
Kl 16.00 Messe

Vinjebarnehagen samlar inn 50-øringar til kreftsaka

rlo@vinje.kommune.no (Reidun Lofthus) — Wed, 09 May 2012 11:15:11 GMT

50 øre for deg – gull verdt for kreftsaka. Tre 50 – øringar frå kvar nordmann blir 7,5 millionar til kreftsaken. Kreftforeininga tek imot kvar einaste vesle mynt med takk.

Barnehagane i Vinje kommune oppfordrar alle i lokalmiljøet til å koma i barnehagen med 50 – øringane sine. Kven finn flest 50 – øringar?

Det vil bli sett ut pengebøsser i alle barnehagane i Vinje, bli med oss å støtt opp om ein god sak.

• Me plagar ikkje snakke om kreft i barnehagen, men me ynskjer å ta opp temaet, spørje om det er nokon av barna som kjenner nokon som har kreft eller har hatt det.
• Me skal snakke om kor mykje er ein 50 – øring verdt, sjå kor mange 50 – øringar som må til før ein har for eksempel 100 kroner.

Me oppfordrar alle til å leite i skuffar, lommer og skåp etter 50 – øringar, for så å koma til barnehagen i ditt nærmiljø med 50 – øringane de har finni.

Me lurar på kor mange me klarer å samle inn i alle barnehagane i Vinje, lurar De og på det?

Storviltjakt 2012

sigrid.v.lid@vinje.kommune.no (Sigrid Vinjerui Lid) — Wed, 09 May 2012 06:05:41 GMT

Søknadsskjema får du ved å kontakte Tenestetorget på tlf 35062300, eller du kan finne det her.
Søknadsfristen er fredag 8. Juni.

Storviltjakt Berunuten vest 2011

eystein.matheussen@vinje.kommune.no (Eystein Matheussen) — Tue, 08 May 2012 13:27:20 GMT

Nye bustadtomter i Juvbakk, Åmot

eystein.matheussen@vinje.kommune.no (Eystein Matheussen) — Tue, 08 May 2012 13:00:10 GMT

Trekkinga gjeld retten til å velje tomt først, som nr to osv. Det er i første runde berre høve til å tinge éi tomt pr søkjar.
Kommunen legg opp til felles synfaring med interessentane laurdag 13. februar kl. 12.00.

Frist for å melde seg til å vere med i loddtrekkinga er 19. februar. Du må sende søknad for å vere med.

Søknadsskjema
Kart
Reglar for tildeling av tomt

Stengte bibliotek

rlo@vinje.kommune.no (Reidun Lofthus) — Tue, 08 May 2012 12:01:52 GMT

Landbruksinformasjon

rlo@vinje.kommune.no (Reidun Lofthus) — Mon, 07 May 2012 08:28:46 GMT

Brosjyra inneheld informasjon om ymse ting som kan vere nyttig for ein eigar av ein landbrukseigedom å kjenne til.

Her finn du td. informasjon om bu- og driveplikt, bygdeutviklingsmidlar, erstatning ved avlingsskade, kommunale tilskot, nærings- og miljøtiltak i skogbruket, spesielle miljøtiltak i jordbruket (SMIL), nærings- og miljøtiltak i skogbruket (NMSK), næringsorganisasjonane i landbruket og litt om næringskontoret i Vinje.

Brosjyra finn du her.

Bestilling av fast bruk av kommunale anlegg

rlo@vinje.kommune.no (Reidun Lofthus) — Mon, 30 Apr 2012 10:32:07 GMT

Aktivitetar i regi av idrettslaga har førsterett på bruk av idrettshallane.

Hugs å oppgje namn, adresse og telefonnummer på kven som er ansvarleg for dei einskilde
aktivitetane.

Send søknad på fastsett skjema. Det er eigne skjema for idrettslaga.

Skjema finn du her.

Du kan og få søknadsskjema ved å vende deg til Tenestetorget, tlf. 35 06 23 00.

Send søknaden til
Vinje kommune
postmottak
3890 Vinje.

Spinningromet på Vinjehuset

Gravearbeid ved Rauland skule

rlo@vinje.kommune.no (Reidun Lofthus) — Mon, 30 Apr 2012 07:57:09 GMT

Utdeling av kulturprisen 2011 til Birgit (Vesla) Landsverk

rlo@vinje.kommune.no (Reidun Lofthus) — Mon, 30 Apr 2012 07:20:10 GMT

Lars Erik Øygarden spela fleire slåttar, bl. anna Kivlemøyane og Falkeriset. Han bar og fram helsing til Vesla frå seg sjølv som deltakar i Fjellbrusen og frå Falkeriset spel- og dansarlag. Og så spela han ein gangar som 5 åringane i Rauland barnehage framførde saman med Vesla og Linda. Me fekk og eit innblikk i prosjektet ” I husmannsfolkets fotefar” som Vesla har med denne gruppa.

Halvor Nordjordet kvad fleire viser som han visste Vesla sette pris på, og Ragnar Sør Olsen song viser han hadde tonsett av Olav Flatastøyl og Olav H.Hauge.

Ordførar Arne Vinje bar fram ei tale der han målbar at det er stor breidde og høg kvalitet på kulturen i Vinje. Men kulturen vår er under press og me treng personar som Vesla som står på for å vidareføre både dans, song og soger. Han slo fast at Vesla var ein særs verdig kulturprisvinnar. Saman med Kultursjef Signe Marie Kittelsaa gav han Vesla ein akvarell av Reidar Kolbrekk der han hadde måla Flatastøyl, blomar og ein sjekk på kr. 10.000.-

Etter at festlyden hadde fått mat var det fleire som bar fram helsingar til Vesla. Me kan nemne Halvor Lognvik som hadde sett saman ein video, Bjørn Skinnarland som både song og las dikt, Aaslaug Vaa hadde klypt saman ein liten film frå prosjektet ”Ei vise vil eg kveda” der me såg Vesla i aktivitet, Åsta Kostveit bar fram helsing frå Rauland historielag, Terje Rømo helsa frå Vinje dansarring og familien Øvrebø Hovet kvad kvar si vise til Vesla.

Ein glad og rørt prisvinnar takka alle for frammøtet og for prisen. Ho kunne tenkt seg ein dans til slutt, og Arne hadde lova å spila.

Her kan du sjå fleire bilete frå festen.

Vesla Landsverk

Halvor Nordjorde

Det var mange festkledde som kosa seg på festen