Lokal føresegn for vatn og avløp

FØRESEGNER OM VASS- OG
AVLØPSGEBYR I VINJE KOMMUNE

Vedteke i kommunestyret den 20 februar 2003 i medhald av lov om kommunale vass- og kloakkavgifter §3 og forskrift om kommunale vass- og avløpsgebyr av 10. januar 1995, sist endra 13. juli 2000. 

I.               GENERELLE FØRESEGNER

Abonnentane i kommunen betaler for vass- og avløpstenester levert av kommunen. Tilhøvet mellom abonnenten og kommunen er regulert av lover og føresegner og av lokale reglement, føresegner, regulativ og deklarasjonar. Dei viktigaste dokumenta er lista nedanfor:

1.     Lov av 31. mai 1974 nr.17 om kommunale vass- og kloakkavgifter

2.     Forskrift av 10. januar 1995 nr. 70 om kommunale vass- og avløpsgebyr, sist endra 13. juli 2000

3.     Føresegn om vass- og avløpsgebyr i Vinje kommune (dette dokumentet)

4.     Andre dokument

-       Gebyrregulativ

-       Serviceerklæring

-       Teknisk norm for Vinje

Desse føresegnene erstatter tidlegare dokument::

-       Føresegner for vass- og aløpsavgifter 09,05,1990

-       Kommunestyrevedtak om tilknytningsavgift i områder med turistutbygging
22,02,1990

-       Kommunestyrevedtak om tilknytningsavgift i områder med turistutbygging
12,06,1991

-       Kommunestyrevedtak: Retningslinjer tilknyting 16,04,1998.

-       Kommunestyrevedtak om anleggsbidrag 25,06,2002.

 

§1      FØREMÅLET MED FØRESEGNA

Føresegna bestemmer utrekning og innbetaling av dei gebyra abonnentane skal betale for dei vass- og avløpstenestene kommunen leverer.

§ 2     VERKEOMRÅDET FOR FØRESEGNA

Føresegna gjeld alle abonnentane i kommunen, sjå definisjon i § 3.

 

§ 3     DEFINISJONAR

·   Abonnent:

Eigar av eigedom som er registrert i grunnboka med eige gards- og bruksnummer eller seksjonsnummer (under felles gards- og bruksnummer), som er tilknytt kommunal vass- og eller avløpsleidning direkte eller gjennom felles stikkleidning.

Det same gjeld festar av eigedom med festeavtale for 10 år eller meir men der festaren eig dei bygningane som er plassert på tomta, og bruker festerett slik det går fram av lov om tomtefeste.

Eigar / festar kan gjera avtale om at andre personer er deira representant for rekningane. Rekningar vert sendt representant, men eigar / festar er ansvarleg.

Eigar/festar av eigedom, som kommunen i medhald av §§ 65, 66 og i Plan og bygningslova  har kravd tilknytt kommunal vass- og avløpsleidning.

·   Abonnement:
Sjølvstendig bueining eller brukseining. Eigendom kan ha fleire einingar som framstår som sjølvstendige. Kvar eining er då eit abonnement. Til dømes: Leigehusvære, kårbustad.

·   Abonnementsgebyr:

Den faste delen av årsgebyret, som skal dekke ein del av dei faste utgiftene til kommunen for vass- og/eller avløpstenester.

·   Bruksareal (BRA) etter NS 3940 (forenkla):

Forenkla kan ein seie at bruksareal omfattar:

-   Arealet innanfor dei omslutta veggane i bustaden og

-   Del av fellesareal som høyrer til bustaden, men som ligg utanfor dei omslutta veggane i bustaden.

For detaljar, sjå NS 3940.

 -      For gardsbruk vil dei rom i driftsbygningar som har innlagt vatn reknast
        med i arealet til bustaden.

·   Bruksendring:

Med endring i bruken av eigedommen meiner ein her endring mellom ulike kategoriar, som for eksempel bustad, fritidsbustad/hytte og nærings-/offentleg verksemd.

·   Eingongsgebyr for tilknyting:

Eingongsgebyr for etablering av abonnement på vass- og/eller avløpstenester.

·   Felles privat stikkleidning:

Leidning eigd i fellesskap av abonnentar tilknytt via denne til kommunalt leidningsnett

·   Forbruksgebyr:

Den variable delen av årsgebyret som blir betalt etter forbruk (målt eller stipulert).

·   Fritidsbustad/hytte:

Fast eigedom med bygning(ar) regulert/godkjend til fritidsbustad/hytte.

·   Gebyrregulativet:

Gebyrregulativet er namnet på den gjeldande prisoversikta for vass- og avløpsgebyr i kommunen. Satsane i gebyrregulativet blir oppdatert årleg gjennom vedtak i kommunestyret.

·   Miniabonnement
Abonnent med berre ein person med adresse i husstanden. Abonnementet fylgjer reglane for renovasjon.

·   Næringsverksemd:

Forretningsverksemd.

·   Offentleg verksemd:

Verksemd driven av staten, fylket eller kommunen.

·   Stipulert forbruk:

Stipulert forbruk er forventa forbruk hos ein abonnent fastsett på basis av bygningsarealet.

·   Serviceerklæring:

Eit dokument som gjer greie for rettane og pliktene til abonnentane og kommunen, kva som skjer når desse ikkje blir etterlevd og kva for høve til å klage som finst.

·   Termin:
Tidsbolkar ( faktura periodar) som er minste periode det betalast for. Inndeling i terminar er regulera i Gebyrregulativet.

·   Årsgebyr:

Gebyr som blir betalt årleg av abonnentar for å ha tilgang til vass- og/eller avløpstenestene i kommunen. Årsgebyret er samansett av abonnementsgebyr og forbruksgebyr.

II.     VASS- OG AVLØPSGEBYR 

§ 4     GEBYRTYPER

Følgjande gebyrtyper gjeld for både vass- og avløpstenester:

·       Eingongsgebyr for tilknyting

·       Årsgebyr

·       Gebyr for leige av vassmålar

·       Anleggsbidrag ved tilknyting ( ikkje gebyr)

§ 5     EINGONGSGEBYR FOR TILKNYTING

Gebyr for tilknyting.

Forskrift av 10. januar 1995 nr. 70 om kommunale vass- og avløpsgebyr krev at det blir betalt eingongsgebyr for tilknyting til vass- og/eller avløpstenester.

Eingongsgebyret blir betalt for eigedom der det står bygg, eller ved oppføring av eller tilbygg til bygg på eigedom, som knytes til  offentleg vass- og/eller avløpsnett.

Eingongsgebyret vert rekna etter bruksareal (BRA),  og skal betalast før tilknyting. Endringar i arealer ved seinare tilbygg kan løyse ut krav til nytt eingongsgebyr.

Bygg på inntil 120 m2 vert rekna som 120 m2.

Storleiken på gebyret blir fastsett årleg av kommunestyret og går fram av Gebyrregulativet.

Ein kan inngå særavtalar med næringsverksemder om avvikande eingongsgebyr for tilknyting dersom det blir ekstra høge eller låge kostnader ved etablering av tenesta. 

Anleggsbidrag for anlegg som ikkje er kommunalt ansvar - sjå

Reglar for anleggsbidrag.

§ 6     ÅRSGEBYR

Årsgebyret skal betalast av alle abonnentar og er samansett av to delar (desse vil ikkje synes i faktura):

·   abonnementsgebyr

·   forbruksgebyr

Samla abonnementsgebyr for kommunale vasstenester skal dekkje ein fast del av dei forventa årsinntektene knytt til vasstenester i kommunen. Resten blir dekt gjennom forbruksgebyret. Prosentdelen går fram av Gebyrregulativet.

Samla abonnementsgebyr for kommunale avløpstenester skal dekkje ein fast del av dei forventa årsinntektene knytt til avløpstenester i kommunen. Resten blir dekt gjennom forbruksgebyret. Prosentdelen går fram av Gebyrregulativet.

Årsgebyret skal reknast frå og med terminen etter at eigedommen er tilknytt kommunalt leidningsnett.

Storleiken på abonnementsgebyr og forbruksgebyr blir fastsett årleg av kommunestyret og går fram av Gebyrregulativet.

ABONNEMENTSGEBYR

Abonnementsgebyr er fast gebyr for alle abonnentar som går fram av Gebyrregulativet. Det er to Abonnementsgebyr:

·   Abonnementsgebyr for vatn.

·   Abonnementsgebyr for avløp.

FORBRUKSGEBYR

Forbruksgebyret vert rekna etter pris for kvar m3 forventa eller faktisk (målt) forbruk.

Som ein forenkling av dette er det innført 3 grupper:

·   Miniabonnent (i fylgje reglane for renovasjon) og fritidsbustad:               75 m3/år.

·   Husvære inntil 100 m2:                                                           150 m3/år.

·   Husvære 101 - 250 m2:                                                          220 m3/år.

Større bygg, Næringseigendommar og offentlege verksemder betaler forbruksgebyr basert på faktisk (målt) vassforbruk og pris pr. m3. Forbruket blir målt med installert vassmålar.

Andre abonnentar betaler etter faktisk (målt) vassforbruk og pris pr. m3, evt. etter stipulert forbruk basert på utrekning av bruksareal i samsvar med NS 3940 og pris pr. m3.

For alle abonnentar gjeld at mengda avløp blir rekna lik mengda vatn, sjå likevel § 8.

Både kommunen og abonnenten kan krevje at forbruksgebyret blir fastsett ut frå målt forbruk.

§ 7     LEIGE AV VASSMÅLAR

Målaren er kommunen sin eigendom og kommunen koster sjølve målaren. Kommunen bestemmer type, plassering og storleik på måleren som passer til forbruket

Abonnenten må sjølv koste installasjon av vassmåler i konsoll og evt. flytting av målaren. Godkjent rørlegger skal installere målar i samsvar med dei til kvar tid gjeldande regler. Etter montasje skal vassmåler plomberes av kommunen eller av rørlegger engasjert av kommunen.

Utanom forbruksgebyr og gebyr for abonnement betalar abonnenten eit årleg gebyr for leie av vassmåler, som inkluderer kjøp, kontroll, vedlikehald, utskifting og administrasjon. Gebyret vert sett av kommunen og går fram av gebyrregulativet

Avlesing av vassmåler vert gjort ein gong kvart år. Abonnenten les av og melder dette skriftleg innan fastsett frist Dersom  vannmåler ikkje vert lest av til bestemt tid eller dersom data ikkje  vert innmeldt til kommunen, vert årsforbruket stipulert.

Kommunen skal ha fri veg til vassmåler for inspeksjon og kontroll av teljarstand til varslet dato og tid. Vassmåler må vera plassera slik at den er lett tilgjengeleg både for å lese av og revisjon/utskifting

Kommunen kan til kvar tid, evt. etter skriftleg søknad frå leigaren, kontrollere  vassmåler som er i bruk. Viser kontrollen en feil ved teljeverk på meir enn 5%, vert årsgebyret justera for året før og eventuell utskifting av måleren skjer uten kostnad for leigaren

Kvar eigendom skal normalt berre ha ein tilknyting. Har ein eigendom fleire tilknytingar, skal det vera ein målar for kvar tilknyting.

Blir ein målar som er i bruk borte eller skada, skal abonnenten med ein gong melde dette til kommunen. Kommunen vil ha rett til å krevje full erstatning for tap eller skade. Plombert måler kan berre verte opna  av kommunen sitt personell eller under oppsyn av kommunen sitt personell. Er en plombe brote, vert vassforbruket for terminen sett til stipulert forbruk ganger 4

For andre reglar om installasjon, bruk og leige av vassmåler: sjå ”kommunalteknisk norm”

§ 8     AVVIK I ÅRSGEBYRET

Dersom mengda avløp frå ein abonnent er vesentleg større eller mindre enn det målte vassforbruket, kan forbruksgebyret for avløp bli basert på målt eller stipulert/utrekna avløpsmengde (utslepp).

For næringsverksemd og offentleg verksemd der samansetjinga av avløpsvatnet skil seg ut frå vanleg husholdningsavløp og verkar anten fordyrande eller innsparande på drift og vedlikehald av avløpsanlegget i kommunen, kan ein rekne ut eit påslag/frådrag i forbruksgebyret for avløp basert på dei forventa ekstrautgiftene/innsparingane.

Restriksjonar for vassforbruk eller kortare avbrot i leveranse eller mottak av avløp gir ikkje grunnlag for reduksjon i gebyra. Tilhøve som gir grunnlag for reduksjon i gebyra går fram av Serviceerklæring i kommunen.

§ 9     MELLOMBELS TILKNYTING

Mellombels tilknyting gjeld for arbeidsbrakker og andre bygningar av mellombels art med innlagt vatn, som berre skal brukast i ein avgrensa periode etter avtale med kommunen.

Eigar/festar av eigedommen skal betale abonnementsgebyr og forbruksgebyr etter gjeldande reglar for næringsverksemd, med avrekning i samsvar med den tida til- knytinga er operativ.

Ein skal ikkje betale eingongsgebyr for tilknyting, men alle kostnader ved tilknyting og fråkopling blir belasta eigar/festar av eigedommen.

Mellombels tilknyting gjeld for opp til eitt år, med høve til å søkje om vidareføring.

§ 10     PÅLEGG OM UTBETRING

Kommunen kan gje abonnenten(ane) pålegg om å utbetre eigne avløpsanlegg innan ein gjeven frist, jfr forureiningslova § 7. I medhald til § 73 i forureiningslova kan kommunen gje eit gebyr for ureining dersom tilhøvet ikkje er utbetra når fristen har gått ut. Dersom den ansvarlege ikkje utfører pålegget kan kommunen iverksetje tiltak, jfr § 74, forureiningslova

Kommunen kan be abonnenten om å utbetre eigne anlegg for drikkevatn innan ein oppgjeven frist for at standard satser skal kunne nyttast. Dersom tilhøvet ikkje er utbetra når fristen har gått ut, vert årsforbruket stipulert.

§ 11    INNBETALING AV GEBYR

Abonnenten er ansvarleg for betaling av gebyra.

Kommunen sender faktura for eingongsgebyr for tilknyting til abonnenten samstundes som igangsettingsløyve (byggeløyve) blir gitt eller når eksisterande bygg blir tilknytt kommunal leidning. Eingongsgebyret må vere innbetalt før tilknyting skjer.

Abonnementsgebyr og forbruksgebyr blir kravd inn på felles faktura og blir fordelt over 2 terminar pr. år.

Gebyr for mellombels tilknyting og tilleggsgebyr blir fakturert særskilt.

Avlesing av målt vassforbruk blir gjort ein gong i året. Forbruksgebyret blir betalt à konto fordelt over 2 terminar basert på forbruket for fjoråret. Avrekning skjer i hovudsak på 1. termin (faktura) året etter.

Á konto beløp vert justera dersom vassforbruket til abonnenten har endra seg vesentleg frå siste målaravlesing.

Basert på søknad til kommunen kan abonnenten få fritak for årsgebyret, når eigedommen fysisk blir kopla frå leidningsnettet. Abonnementet opphører når det er motteke melding om at punkt for anboring eller påkopling er plombert. Ny tilknyting av eigedommen krev ikkje ny betaling av eingongsgebyr for tilknyting. Både fråkopling og ny tilknyting føreset ein blir utført for abonnenten sin kostnad og etter tilvising frå kommunen.

III.    AVSLUTTANDE FØRESEGNER

§ 12    INNKREVJING AV GEBYR

Forfalt krav på årsgebyr er sikra med pant i eigedommen etter § 6-1 i pantelova. Gebyra med kostnader og renter kan krevjast inn av kommunen etter reglar for innkrevjing av skatt.

§ 15    TIDLEGARE SÆRAVTALER

Gamle særavtaler mellom kommunen og den einskilde abonnent opphøyrer frå 01.01.2003.

§ 13    VEDTAKSMAKT

Vedtak etter denne føresegna blir fatta av teknisk drift og vedlikehald.

§ 14    KLAGE

Når det blir fatte einskildvedtak etter denne føresegna, skal den/dei dette vedtaket gjeld, bli informert om den klageretten som er bestemt i Forvaltningslova. Klagen blir send til den instansen som har fatta vedtaket.

Vedtak om gebyras storleik, som går fram av Gebyrregulativet, reknast som føresegn, jf. § 2 fyste ledd c) i Forvaltningslova. Dette er ikkje einskild vedtak og kan difor ikkje påklagast.

§ 15    IVERKSETJING

Føresegna trer i kraft 01 januar 2003.