Reglar for utleige av kommunale hus og møterom

1. Dei som ynskjer å tinge hus eller møterom, tar kontakt med vaktmeister ved det  aktuelle anlegget eller Tenestetorget, Vinje kommune.

2. Tinging av hus til faste tilskipingar ut over 1 mnd. må sendast skrifteleg til kommunen ( postmottak@vinje.kommune.no ) innan 1.juni. kvart år.  Tenestetorget er ansvarleg for å leggje inn alle faste tilskipingar. Søknaden må vera påført ansvarleg person med kontaktadresse/telefonnr.
    
3. Oversikt over møterom og utstyr som kan nyttast, finn du her.

4. Vaktmeister hjelper til med utsetting av utstyr, men leigar er ansvarleg for at alt er på plass i tide. Rigging og rydding vert rekna med i leigetida.

5. Om fleire søkjarar ynskjer same hus/rom til same tid og alternative stader/tider ikkje let seg ordne, må kommunen avgjera kven som skal vike.

6. Det er ikkje høve til å ta med mat og drikke til tilskipingar i lokale der det er kioskdrift.

Prioriteringar ved bruk av kommunale hus og møterom
Fysisk trening og idrettsaktivitetar skal skje i idrettshall eller anna treningslokale.
Andre kulturaktivitetar og tilskipingar har fyrsterett på festsalane.
Eining for Kultur avgjer når det gjeld prioritering av bruk av hus.
På dagtid har skulane fyrsterett til bruk i samsvar med timeplanane. For skuleaktivitet på kveldstid, må skulane tinge rom som andre brukarar.

Utstillingar
Utstillingar skal i utgangspunktet setjast opp i Galleri liti, men 2 gonger i året kan ein opne for at vestibylen på Vinjehuset også kan nyttast. Det er viktig at utstillinga ikkje tar så stor plass at den fører til unødige vanskar for andre aktivitetar. Alt det praktiske omkring utstillingane må avtalast i god tid mellom Kultur, Teknisk og Åmot skule. Bruk av vestibylen til utstilling må registrerast i bookingsystemet på vanleg måte. Salsutstillingar skal betale 25% provisjon av salet til kommunen. Dette skal gå til å dekke forsikringar. Kultur har ansvar for å forsikre utstillinga og å krevje inn provisjon.

Bruk og økonomi
Lag og organisasjonar i Vinje kommune skal ikkje betale leige for anna enn inntektsgjevande tilskipingar. Unnatak er tilskipingar i skuleregi og basarar med humanitære og samfunnsnyttige føremål.

Utanbygds tilskiparar skal betale leige etter gjeldande satsar.  Eventuell klage på husleige rettast til huseigar; Eining for Teknisk Drift og Vedlikehald. Ved større jubileum og markeringar som gjeld heile eller større delar av kommunen, må andre faste avtalar vike. Ved slike høve må tilskipar sende skrifteleg søknad.

Sist oppdatert 13.09.2010