Hopp til hovudinnhald Hopp til søk Hopp til bunntekst
  • KvaLagt inn avKvarDatoMeir info
    Vinjeutstillinga 2015Bjørg K.Vinjar samfunnshus29.07

    I dag, 29. juli kl. 11.00 på Vinjar samfunnshus

    Vinjeutstillinga 2015

    «UT» er tema for Vinjeutstillinga i sommar, med markering av Friluftslivets år 2015.
    Kunstnarane fekk også strofa «Jeg vil male dagen grønn» av Ebba Munck, og mange har lete seg inspirere av desse orda, det er mykje natur på utstillinga i år. Jamvel smykka til Linn Sigrid Bratland er grøne! Peter Marron har grøne sauer, Gunda Aarhus grøne teppe.
    Biletkunstnarar med måleri og grafikk: Odd Skullerud, Jan Baker, Arild Andresen, Kikki Hovland, Gro Mukta Holter, Kari Hunsager, Stig Andresen, Inger Saltaag, Anne Langsholt Apaydinli, Tina Tobiassen, Reidar Kolbrek, Anne Kathrine Stangeland, Ståle Blæsterdalen og Sveinung Iversen. Borghild Telnes har nydelege kalligrafiarbeid på vegg, Harald Naper og Dag Jensen har foto. Bjønn Fauske Lysdahl har akvarell, Aasm Vesaas teikning, desse to finn du i «Friluftsavdelinga». Der har også Vinje Turlag foto frå aktivitet i naturen. Glaskunstnar er Anne Kathrine Munkejord; Kristin Eidem og Elisabeth Helvin leverer keramikk. Anne Berit Nedland har skulptur, medan Hallbjørg Strøm, Åse Bratland og Linda Iren Grytten har arbeid i tekstil. I tillegg til Bratland, er det smykker både frå Ingrid Svalastog Kollberg og frå Harald Naper .
    Gerd Danbolt Svalastog har skjør porselen, Bibbi Tveito solide englar og skåp.
    Silje Villhodd har spurt damer om x-ane deires, det har blitt til ei artig separatutstilling: X-er.
    «Frå Haukelifjell» foto av Harald Naper prydar plakata, designa av Kari Nestestog.
    Sundag 28. juni var det opningsprogram på Vinjar med interessant kåseri av Borgny Tøfte. Det musikalske innslaget var med Frøydis Grorud, Anne Gravir Klykken og Trude Kristin Klæboe, flott musikk! Tonje Orum sa litt om Vinje turlag og Silje Villhodd sa litt om utstillinga si. Den offisielle opninga var ved Olav Høgetveit.
    Bjørn Bø leia programmet.

    Sommar på TelemarkstunetMarit J.Telemarkstunet, Rauland29.07

    I dag, 29. juli kl. 11.00 på Telemarkstunet, Rauland

    Sommar på Telemarkstunet
    Endeleg har sommaren kome. Telemarktunet opnar laurdag 27.juni og er ope til 9. august. Kvar dag 11-16.
    I år er kafeen flutt til Gardsjordstoga som har fått ny innreiing. Det blir heimelaga mat og ein spanande blanding av tradisjon og nye impulser. I tillegg blir det både kald og varm drikke, kaker, is og kjempestore vaflar.
    Bakeriet er i gang med ferske bakevarer frå vedfyrt steinomn. Karin og Torbjørn er på plass med lefse- og flatbrødbakeriet. James frå Malawi opnar spikkeverkstaden sin og handverksutsalet på Låven er proppfull av nye varer.
    Her ser du bilete av nokre av dei personane du kan møte på Telemarkstunet.
    Velkommen til Telemarkstunet i sommar.

    Husflid og handverk på LåvenMarit J.Telemarkstunet, Rauland29.07

    I dag, 29. juli kl. 11.00 på Telemarkstunet, Rauland

    Handverkutstilling og sal, stort utsal av norske handlaga produkt. Keramikk, vevde løperar og filleryer, handlaga børstar av naturbust, strikka genserar, jakker, sokkar, vottar og skjerf, leiker i tre, sveipa og dreia ting i tre, neverfletting, heimelaga drops, gåveartiklar, hytteutstyr og smykke

    Telemarktunet opnar laurdag 27.juni og er ope til 9. august. Kvar dag 11-16.
    I år er kafeen flutt til Gardsjordstoga som har fått ny innreiing. Det blir heimelaga mat og ein spanande blanding av tradisjon og nye impulser. I tillegg blir det både kald og varm drikke, kaker, is og kjempestore vaflar.
    Bakeriet er i gang med ferske bakevarer frå vedfyrt steinomn. Karin og Torbjørn er på plass med lefse- og flatbrødbakeriet. James frå Malawi held spikkeverkstaden sin open.
    Velkommen til Telemarkstunet i sommar.

    Dyre Vaa-samlinganeIngerid H.Dyre Vaa-samlingane29.07

    I dag, 29. juli kl. 12.00 på Dyre Vaa-samlingane

    Dyre Vaa-samlingane er ei eining under Vest-Telemark Museum. Dyre Vaa gav på slutten av 70-talet skulptursamlinga si til Vinje kommune.

    Samlingane i dag presenterer eit mangfald av skulptur, måleri, grafikk og teikningar av den kjende kunstnaren Dyre Vaa. Også Tor Vaa, son av Dyre Vaa, er representert med ei eiga avdeling. Likeins har grafikeren Svallaug Svalastoga eit eige rom med tresnitt.

    Dyre Vaa (1903-1980)
    Ved sida av Gustav Vigeland er Dyre Vaa den bilethoggaren som i sterkast grad har prega norsk skulpturmiljø. Ingen annan bilethoggar har vunne så mange tevlingar som han. Dyre Vaa debuterte på Haustutstillinga allereie som 20-åring, og vart då kjøpt inn til Nasjonalgalleriet.

    Tor Vaa (1928-2008)
    Tor VaaTor Vaa vart fødd i Oslo i 1928 og vaks opp på Rauland i Vinje saman med foreldra Thora og Dyre Vaa og fem sysken.

    Tor Vaa arbeidde mykje med tolking av naturen, gjennom skulptur, relieff, teikningar og måleri. I 1949 og 1961 fekk han Statens Kunstnarstipend og i 1951 stipendiet frå Fondet for dansk-norsk samarbeid. Frå 1979 hadde han Statens garantiinntekt og frå 1990 Vinje kommunes kunstnarløn.

    Svallaug Svalastoga (1920-1978)
    Svallaug Svalastoga var fødd i Rauland og debuterte på Statens Kunstutstilling i 1950. Ho fekk grafikerprisen i 1960 og er innkjøpt av m.a. Nasjonalgalleriet.

    Sommarutstillinga på Skinnarlandsamlinga 2015Arnfinn A.Skinnarlandsamlinga, Rauland29.07

    I dag, 29. juli kl. 12.00 på Skinnarlandsamlinga, Rauland

    Sommarutstillinga på Skinnarlandsamlinga 2015
    SkuleVaksvik f.1927 bilethoggar, skulpturar, (fleire til sal)
    Svend Poulsson f.1943; arkitekt og teiknar; Akvarell, trykk og teikningar, (noko til sal)
    Ingerid Paulsen Kuitters f.1939; Biletkunstnar; Måleri, grafikk og teikning, særleg kjend for materialbilete.
    Opningstider; 28.juni til 9 august, kl 12.00-17.00 alle dagar

    Olsoksamling i Vinje kyrkjeReidunVinje kyrkje29.07

    I dag, 29. juli kl. 17.00 på Vinje kyrkje

    *Kyrkjegardsvandring v/Vinje historielag kl 17.00
    *Olsoksamling i kyrkja v/ Vinje songlag kl. 18.00
    *Olsokgraut v/ Vinje og Nesland Sokneråd.

    Olsoksamling i Rauland kyrkjeReidunRauland kyrkje29.07

    I dag, 29. juli kl. 17.00 på Rauland kyrkje

    Arrangementet startar med kyrkjgardsvandring kl. 17.00. Det vert stopp ved 5-6 graver.Klokka 18.00 vert det gudsteneste . Samlinga vert avslutta med olsokgraut ved Totak, om veret tillet det. (Ta gjerne med noko å sitje på) Er veret dårleg vert grauten servera inne i kyrkja.

    Arr: Rauland sokneråd og Rauland historielag.

    Pubquizsigne m. k.Groven Camping 29.07

    I dag, 29. juli kl. 21.00 på Groven Camping

    Kvar onsdag i juli møtest me til fredeleg kappestrid. Det er fritt fram å danne eit lag der og da. utspørjar er lokal og kan skifte frå kveld til kveld. Groven camping sponsar pizza til vinnarlaget.

  • Arealplanar

  • Andre kommunale planar

  • Politikk

  • Kommune- og fylkestingsval 2015

  • eBillett
  • Fjellnettverket
  • visithaukeli logo
  • visitrauland logo
  • VisitVinje Logo
  • nasjonalparkkommune logo

vinje.kommune.no nyttar informasjonskapslar (cookies) slik at me kan yte deg betre service. Informasjonskapslane blir i hovudsak nytta for trafikkmåling og optimalisering av tenesten. Du kan fortsette å bruke vinje.kommune.no som vanleg dersom du godtek dette. Dersom du vil vita meir, kan du lese om vår bruk av informasjonskapslar. Lukk