Røngenteneste - eit samarbeid med Tokke-Vinje legevakt og sykehuset Telemark HF

Prosjektet blir gjennomført av Vinje kommune. Tokke og Vinje har felles legevakt, så det betyr at tilbodet gjeld innbyggjarane i både kommunane.

Formål med prosjektet er å utvikle og prøve ut ein konkret samhandlingsmodell mellom helsetenesta i Vinje kommune, felles legevakta for Tokke og Vinje og Sykehuset Telemark. Modellen skal sikre eit forsvarleg, desentralisert tilbod for røntgen og tolking av bildar for pasientar i kommunane.

Vinje og Tokke kommunar har eit areal tilsvarande 2 gonger Vestfold fylke med ca 6500 innbyggjarar. I Vinje er det stor turisttrafikk, særskilt i vintersesongen, med 4000 hytter, mange hotell og overnattingbedrifter.

Målet er å redusere lang reisetid og prehospital tid for skadde pasientar og sikre innbyggjarane gode helsetenester gjennom elektroniske tenester mellom kommunen og sjukehuset (lesing av røntgenbilde elektronisk).  I tillegg får ein frigjort ambulanseressursar, fordi pasienten raskt kan få behandling i heimkommunen.  

Ein ynskjer òg å styrkje kompetansen lokalt blant helsepersonell med tanke på rekruttering (det skal vera spennande å arbeide på eit lækjarkontor i distrikts-Noreg).

Ein ynskjer òg å vinne erfaring med tanke på samhandling mellom kommunens helseteneste og spesialisthelsetenesta (samhandlingsreforma), som kan ha overføringsverdi også til andre delar av landet.

Sist oppdatert 16.06.2011