Ledige bustadtomter

Det er Tenestetorget som administrerar sal av kommunale bustadtomter i Vinje kommune.

Bustadtomtene i dei kommunale bustadfelta i Vinje kommune vert omsett til ein sterkt subsidiert pris og er eit bustadpolitisk verkemiddel for å styrke fast busetnad i kommunen. Tomtekjøparar som ikkje alt er innbyggjarar i Vinje kommune, må difor melde flytting til Vinje kommune seinast når bustaden er innflyttingsklar.

Kommunestyret har i møte 31.01.08, sak 08/16 gjort vedtak om at det skal vera høve til å kjøpe meir enn ei kommunal bustadtomt i Juvbakkfeltet og Slobrekkfeltet.

Vedtaket er referert her

• Kommunestyret ser eit behov for å differensiere reglane for kjøp av kommunale tomter utfrå kvar i kommunen tomtene ligg.
• I Slobrekkfeltet opnar ein for at det blir mogeleg å kjøpe inntil 3 tomter i gjeldande plan.
• I Juvbakkfeltet opnar ein for at ein kan få kjøpe inntil 2 tomter.
• Felles for båe felta er at ein skal betale full tomtepris for kvar tomt slik den er fastsett. 

OBS!
I nye byggefelt som er etablert etter 2008 vert det ikkje opna for sal av meir enn ei tomt per kjøpar. Det gjeld mellom anna det nye bustadfeltet i Juvbakk (tomt 19 - 32). Sjå vedtak i kommunestyret i sak 10/44

Nedafor finn du kart over dei kommunle bustadfelta. Det står øvst på kartet kva tid det er oppdatert, men det kan ha skjedd endringar etterpå, så ta kontakt med Tenestetorget tlf 35 06 23 00 for nærare opplysningar.

Såtehov (Rauland)
Slobrekk (Edland)  
Juvbakk (Åmot)
Drotning (Åmot) 

Prisliste

Søknadsskjemaet finn du her , og det skal sendast til: 

Vinje kommune
Vinjevegen 192
3890 Vinje

postmottak@vinje.kommune.no