Vinje kommune er stolte av å kunne melde at kommunen og innbyggjarane i kommunen har fått Amnestyprisen for 2008.
I Amnestyprisens statuttar heiter det at prisen blant anna skal gå til ein kandidat som har bidrege til betre beskyttelse og betre rettigheitar for einskildpersonar eller ei gruppe menneske.
Vinje kommune har fått prisen for sin mangeårige og vellukka innsats for å integrere flyktningar.
Ein stolt ordførar mottok prisen på vegne av kommunen av styreleiar i Amenesty i Noreg, Bente Erichsen, under festmiddagen på Amnestys landsmøte i Stavanger i helga.
I tala si sa Vinje at ”Amnesty er den organisasjonen i Noreg som nyt mest respekt og talar med størst autoritet i spørsmål om menneskerettar. Derfor er det for Vinje kommune ei både uventa og nærast ufatteleg ære å bli tildela prisen for 2008.”
På vegner av Vinje kommune, innbyggjarane generelt og somaliarane spesielt, takka Vinje for oppmuntringa og inspirasjonen, og ikkje minst for den oppdragande verknaden det har å skulle leva opp til ein så gild pris!