Religion, livssyn og etikk- melding om delvis fritak

Religion, livssyn og etikk er eit ordinært skolefag som normalt skal samle alle elevar. Undervisninga i faget skal ikkje vere forkynnande. Skolen skal vise respekt for elevane og foreldra sine religiøse og filosofiske overtydingar og sikre retten til likeverdig opplæring. Likevel kan det oppstå situasjonar som nokre foreldre eller elevar opplever som problematisk.

Elevar skal etter skriftleg melding frå foreldra få fritak frå dei delane av undervisninga som foreldra eller eleven ut frå eigen religion eller eige livssyn opplever som utøving av ein annan religion eller tilslutnad til eit anna livssyn, eller som dei opplever som støytande eller krenkjande. Skolen skal ved fritak leggje til rette for at eleven får anna undervisning innanfor læreplanen.  Det vil seie at eleven skal få same kunnskap som dei andre elevane, men på ein annan måte. Elevar som har fylt 15 år, gir sjølv skriftleg melding. Fritaksretten gjeld alle skolefag. Skolen skal kvart år informere elevane og foreldra om reglane for fritak og om innhaldet i opplæringa.

Elevar og foreldre til elevar

Foreldre eller elevar som opplever at undervisninga

Meldinga leverast til den skolen eleven går på.

Vinje kommune
Vinjevegen 192
3890 Vinje

postmottak@vinje.kommune.no

Dersom skolen ikkje godtek fritaksmeldinga, kan du klage på vedtaket innan ein frist på tre veker frå du mottok vedtaket. Klaga sender du til den instansen som har gjort vedtaket. I klaga skal du føre opp kva du ønskjer endra i vedtaket og grunngje dette. Kommunen vil kunne gje deg rettleiing. Klageinstans er Fylkesmannen. Før klaga sendast dit, skal den instansen som gjorde vedtaket, vurdere om det er grunn til å endre det.