Pårørandesamling 29. april

Vinje kommune inviterer til pårørandesamling på Raulandsakademiet, tysdag 29. april kl 18.00.

Me er så heldige å få besøk frå Pårørendesenteret, som er eit nasjonalt senter for alle pårørande og fagpersonar. Gry Anette Øvstegård og Ingvil Aarrestad Godeset har båe formell kompetanse og lang erfaring i å rettleie fagpersonar og pårørande, og vil leie oss gjennom kveldens tema, som er pårørandestøtte.

Program

• Vinje kommune si pårørandesatsing - informasjon om lokalt pårørandeprosjekt
• Pårørande sine rettar
• Verkty og hjelp til å meistre kvardagen som pårørande
• Refleksjon, innspel og spørsmål
• Tid til kaffe, kake og prat

Vinje kommune ynskjer eit godt og støttande samarbeid med alle som er pårørande. Du som er pårørande skal bli sett og verdsett, og få støtte til å meistre kvardagen.

Velkommen til alle som står i pårøranderolla, uavhengig av pasient- og brukargruppe, diagnose og alder 🌼