Nytt symjetilbod for 5.–7. klasse og vaksne

Me tilbyr symjeopplæring og trening for barn og vaksne i Vinje kommune. Målet er å styrke dugleik, tryggleik og uthald i vatn – både i basseng og etter kvart i ope vatn.

Me møtest på onsdagar i symjehallen på Vinjehuset. Oppstart i veke 42.

• Kl. 17.00–18.00: 5.–7. klasse
• Kl. 18.00–19.00: Vaksne

Barn (5.–7. klasse):

Tilbodet byggjer vidare på symjetesten etter 4. klasse. Elevane lærer alle fire symjestilane, med fokus på teknikk, uthald og tryggleik. Me øver også på dykking og tilvenning til ulike vassmiljø. Barn i 4. klasse kan delta etter avtale.

Vaksne:

Tilbodet passar både for nybyrjarar og erfarne symjarar. Me tilbyr trygg opplæring og teknikktrening, samt ei eiga gruppe med meir intensiv øving. Mot slutten av året blir det planlagt økter i ope vatn, for å styrke dugleik under varierte forhold.

Om instruktøren:

Manja er idrettspedagog frå Tyskland, og jobbar ved Øyfjell Oppvekstsenter. Ho har lang erfaring med symjeopplæring for barn, ungdom og vaksne, og fylgjer den sveitsiske modellen med fokus på rygg- og crawlteknikk. Symjing skal vera trygt, variert og helsefremjande – spesielt for vaksne med muskel- og leddplager.

Påmelding

Me har i fyrste omgang plass til 10 stk. per kurs. Påmelding til sigrid.hylland@vinje.kommune.no eller sms til 97 16 64 11

Velkomen til eit trygt og lærerikt symjetilbod!