La motorsaga stå!

Uværet Amy har forårsaka store mengder vindfelte tre i delar av landet. Skogkurs oppfordrar no alle skogeigarar til å la motorsaga stå i ro inntil vidare. Det gjel også andre som opplever å ha fått tre over veg eller eigendelar. Tre som heilt eller delvis har velta kan ligge i spenn og vera ei fare for deg!
Arbeid med stormfelt skog er veldig farleg og bør handterast av profesjonelle aktørar.

Vindfallhogst er så farleg at oppryddinga primært bør utførast med hogstmaskiner. Dersom manuelt arbeid må til, må dette utførast av personar med lang erfaring og spesiell opplæring og kompetanse i vindfallhogst.

Skogbrukets HMS-utval har fylgjande retningsliner for vindfallhogst:

• Bør utførast av hogstmaskiner
• Når maskinførar samarbeider med motorsagførar, skal:
  ✓ begge ha fungerande toveiskommunikasjon
  ✓ hogstmaskina skal ha kjedeskuddsvern sidan noko av arbeidet vil gå føre seg innanfor maskina si sikkerheitsavstand
• Manuelt arbeid med motorsag bør skje i dagsljos. Kunstig ljos frå maskina gjer at risikomoment kan bli oversett i skyggeparti eller at ljoskildene forårsakar blending
• Unngå klatring på tre eller å sage stående på stammer
• Det skal vera rutiner for alarmering ved naudsituasjon:
  ✓ mobildekning, sikringsradio/satelittelefon, kart med koordinatar, framkomst på veg, nøklar til bommar
• Vindfallhogst er ikkje aleinearbeid

Kurs

Skogkurs sine lokale instruktørar tilbyr kurs i vindfallhogst! Fylg med på Skogkurs.no sin kurskalender for kurs i ditt område, eller ta direkte kontakt med våre instruktører. Lenke til skogkurs.no finn du her Lenke til et annet nettsted, åpnes i nytt vindu.

Meir informasjon

Meir informasjon om vindfallhogst finn du på Skogkurs sine nettsider;
Lenke til sida Vindfallhogst - sikkert og riktig - Skogkurs, finn du her Lenke til et annet nettsted, åpnes i nytt vindu.