5000 brukar innbyggjarappen i Vinje!

No har me akkurat bikka 5000 brukarar av innbyggjarappen i Vinje kommune! Tusen takk for at du brukar appen, og fylgjer med på kva som skjer i kommunen vår 🤩

Her kjem siste nytt om innbyggjarappen:

Nytt ikon og namn i appen 📱

Når du vel Vinje kommune som heimkommune, vil kommunevåpen og kommunenamn bli vist på framsida i appen. For iPhone-brukarar vil ikonet på startskjermen på telefonen også bli bytt til Vinje sitt kommunevåpen. For Android-brukarar vil ikkje app-ikonet på startskjermen bli endra. 

Nye kategoriar

Me har oppretta tre nye kategoriar den siste tida:

• Friskliv og meistring
  Informasjon om tilbod og aktivitetar i regi av Friskliv og meistring, samt meldingar om timar som blir avlyst og liknande.
• Frivilligsentralen 
  Stort og smått frå frivilligsentralen, til dømes informasjon om aktivitetar og førespurnader til frivillige. 
• Pårørande
  Informasjon til deg som er pårørande, mellom anna om om tilbod til ulike pårørandegrupper, og om ting som skjer på sjukeheim og omsorgssenter.

Du kan endre på kategoriane du fylgjer 

Du kan når som helst endre på kva for kategoriar du ynskjer å fylgje. Gå inn på dei tre vassrette strekane øvst i appen, og vel "Mine val". Då kan du velje heimkommune, eventuelt andre kommunar du vil fylgje, og så kan du velje dei kategoriane du ynskjer å få informajson om.

Har du innspel eller tips til forbetringar? 

Me ynskjer å gjera innbyggjarappen så bra som mogeleg, og vil gjerne ha tilbakemelidng om ting som fungerer bra, og ting me kan forbetre. Send oss ei melding på e-post: tenestetorget@vinje.kommune.no, eller ring oss på telefon: 35 06 23 00