Kommunekompasset - Vinje kommune sin forvaltningspraksis

Håvard Moe frå NIVI Analyse as, presenterte for formannskapet 9. april 2026 del 1 av Kommunekompasset.

Del 2, som inkluderar analyse av Vinje sin kommuneøkonomi kjem over sommaren, basert på endelege Kostra-tal per 15. juni.

Det er kjent at driftsnivået i Vinje kommune er høgt og netto driftsresultat er lågt når me tar omsyn til kommunen sine ressursar. Så kan me ta med oss at netto lånegjeld i % av brutto driftsinntekter er godt under landsgjennomsnittet (side 11 og 12 i presentasjonen).

Evaluering av forvaltningspraksisen i Vinje kommune startar på side 167 i presenentasjonen. Hovudfunnet i rapporten er at Vinje kommune skårar svært høgt, og er den nest beste kommunen blant kommunar som har mindre enn 5 000 innbyggjarar og på tolvte plass blant alle kommunar som er undersøkt med Kommunekompasset (to av kommunane foran oss på lista har hatt to kartleggingar kvar som gav fleire poeng enn Vinje). Dette er svært bra!

Håvard Moe kommenterar resultatet slik i oversendinga av rapporten til kommunedirektøren: «Vinje gjør det imponerende bra på områder som kvalitetsutvikling, kommunens som arbeidsgiver og ikke minst samfunnsutvikling. Så er det som ventet fortsatt mye å gå på når det gjelder virksomhetsstyring og effektivitet. Men samlet sett er jo resultatet svært bra!»