Spreke tilsette i Vinje kommune!

Trimordninga i Vinje kommune går på det nittande året og har blitt tru tradisjon for dei tilsette. 277 tilsette i Vinje kommune leverte trimkort i år😀

Målsettinga med ordninga er å motivere tilsette til å vera i fysisk aktivitet, og at det skal vera lågterskel å vera i aktivitet. Vinje kommune som arbeidsgjevar ynskjer at dei tilsette skal ha ei god oppleving av å vera aktive. Aktivitet har ein førebyggjande helsegevinst og er gunstig for å auke jobbnærværet.

Alle deltakarane får eit gåvekort på kroner 600/1200, som blir nytta på dei lokale sportsbutikkane i Åmot og Rauland. I tillegg er det trekking av tre større premiar der 1. premien er ein sykkel frå Sport 1 Vinje verdi 12 000 kroner, 2. premien er eit gåvekort frå Rauland fjellsport på 6 000 kroner og 3. premien eit gåvekort frå Vinje kommune på 5 000 kroner.

Vinje kommune takkar Rauland fjellsport og Sport1 Vinje som støttar opp med premiar og deltek på premieutdelinga!