Besøk frå Telemark fylke sitt trafikksikkerhetsutval

I dag har Vinje kommune besøk frå fylkets trafikksikkerhetsutval, som har lagt møtet sitt til kommunehuset i Åmot. Møtet starta med orienteringar frå kommunen ved ordførar Jon Rikard Kleven og ingeniørar i Teknisk drift og vedlikehald, Tone Nervold Midtbø og Kjetil Midtgarden Vaagen. Tema var kommunens haldningsskapande arbeid innan trafikktryggleik og fysiske forbetringstiltak i form av utbygging av gang- og sykkelvegar. Ordføraren understreka i si innleiing det gode samarbeidet kommunen har, og har hatt, både med Telemark fylkeskommune, Trygg Trafikk, Politiet og Statens vegvesen. 

Vidare har det blitt gjeve orienteringar frå fylket om rasfare og vedlikehaldsetterslep på fylkesvegar, samt om utviklinga i trafikkulykker frå Politiet, Statens vegvesen, Norsk Motorcykkel Union og Trygg Trafikk. I møtet blei det og drøfta ulykkespunkt på riks- og fylkesvegar. 

Les meir om fylkeskommunen sitt arbeid med trafikksikkerhet her Lenke til et annet nettsted, åpnes i nytt vindu.

Sist oppdatert

Fann du det du leita etter?