Varsel om mindre endring av reguleringsplan for Lauvåsen, Rauland
Kommunen har teke initiativ til å oppdatere føresegner og plankart etter gjeldande plan- og bygningslov av 2008 på reguleringsplanen for Lauvåsen 150/71 og 150/1, planID 20070010, vedteke i kommunestyret 06.09.2007, sak 07/67.
Kommunen hadde saka på høyring i 2022. Sidan det har gått over 2 år sidan den var på høyring blir framlegg til endringar sendt på ny høyring til grunneigar og berørte partar. Høyringsinnspel som har kome inn tidlegare i prosessen blir teken med i vurderinga til politisk handsaming, slik at de treng ikkje å sende inn same høyringsinnspel på nytt. Dersom det har kome inn nye moment i saka, ber me om at de opplyser om det i nytt høyringsinnspel.
Sidan reguleringsplanen grensar mot fylkesvegen vert saka sendt på høyring til fylkeskommunen som vegeigar.
Bakgrunn
Endringane i saka gjeng ut på å oppdatere føresegner og plankart etter ny plan- og bygningslov av 2008. Vedlagt ligg gjeldande føresegner og reviderte føresegner, der endringane er synt med raud tekst, samt gjeldande plankart og revidert plankart. Plankartet er oppdatert i tråd med faktisk situasjon og slik det er bygd. Plankartet er oppdatert med gjeldande sosi-standard.
Endringar i plankart:
- Formålsgrensene er justert etter eigedomsgrensene og faktisk situasjon.
- Regulert veg til hytte 19 (eigedom 150/182) slik det er bygd.
- Regulert gang- og sykkelveg er teken ut då gang- og sykkelvegen er bygd på motsett side.
- Lagt inn høve for parkeringsplass .
- Fjerna område for renovasjon og erstatta det med køyreveg. Det er ikkje returpunkt ved Lauvåsen i dag etter dialog med Renovest. Renovasjonspunktet er Krossen eller opp mot Rauland skisenter.
Vurdering
Planen blir oppdatert etter gjeldande sosi-standard og ny plan- bygningslov av 2008. Den har teke med seg føresegner som gjer det enklare for byggesak å handsame søknadar, samt tek høgde for ny kunnskap og nye føringar. Endringane i plankartet er gjort ut frå eksisterande situasjon i høve eigedomsgrenser, eksisterande tilkomstar og teknisk infrastruktur. Endringane har ingen påverknad for miljø, vatn/vassdrag, sti- og løypenett, plassering, terreng, villrein eller omgjevnaden elles. Kommunen meiner endringane vil gjera det lettare å handsame søknadar og gjera det meir føreseieleg for berørte partar innanfor planområdet.
Gjeldande plandokument ligg i kommunen sitt planregister.
Høyringsdokument:

Fig 1. Før endring

Fig 2. Etter endring
Endringane i plankart og føresegner vil bli handsama som ei mindre endring, og endringa kan etter høyring bli vedteken av plan- og miljøutvalet.
Frist for innspel
Har du innspel eller kommentarar til planendringa må du sende dei til Vinje kommune, postmottak@vinje.kommune.no innan 06.01.25.
Spørsmål
Har du spørsmål til saka, kan du ta kontakt med sakshandsamar Anne Sofie Bergene Strømme på telefon 48 11 84 29 eller e-post anne-sofie.bergene.stromme@vinje.kommune.no
Heimel
Endringane vil bli handsama som ei mindre endring, jf. plan- og bygningsloven § 12-14, 2. ledd.
Sist oppdatert