Varsel om utviding av planområde - Åmothaugen vest - tilleggskunngjering
I medhald av plan- og bygningslova §12-8 varslar Vinje kommune om utviding av plangrensa for pågåande arbeid med detaljreguleringsplanen Åmothaugen Vest, Åmot planID 20160005 . Me syner til varslingsbrev om oppstart av planarbeid, datert 09.03.2022.
Bakgrunn
Bakgrunn for utviding av plangrensa er at planområdet vert utvida i sør-aust, for å seta av nok areal til å regulere ein universelt utforma turveg til Ormetjønn, eit nærrekreasjonsområde i Åmot sentrum.
Utvida plangrense er på om lag 2 daa og er synt med raud stripla line i kunngjeringskart i figur 1 under. Tilleggskunngjeringa vert sendt til berørte partar og offentlege innstansar.
Tilleggskunngjeringa og plandokumenta kan du sjå i kommunen sitt planregister. Lenke til kommunen sitt planregister finn du her Lenke til et annet nettsted..
Plandokumenta kan og etterspørjast på tenestetorget på kommunehuset i Åmot.
Gjeldande status
Det er fire gjeldande reguleringsplanar i området, Åmot sentrum planID 19860003, Åmothaugen planID 20080011, Omsorgsbustadar Åmothaugen planID 20100003, og Omsorgsbustadar Åmothaugen II planID 20130003. Planarbeidet blir heimla i kommunedelplanen for Åmot sentrum. Her er planområdet sett av til arealbruksområde «noverande forretning, offentlege bygningar, LNF-område og verdifullt friluftsområde». Det vil vere mindre avvik mellom kommunedelplanen for Åmot og føremåla i reguleringsplanen.
Innspel
Det blir berre opna for innspel retta mot utviding av plangrensa.
Innspel til tilleggskunngjeringa må vere skriftleg og sendast til Vinje kommune, Vinjevegen 192, 3890 Vinje eller til postmottak@vinje.kommune.no innan 04.02.2025.
Kontaktinformasjon
Har du spørsmål til planarbeidet og tilleggskunngjeringa kan du ta kontakt med sakshandsamar Anne Sofie Bergene Strømme på
telefon 48 11 84 29 og e-post: anne-sofie.stromme@vinje.kommune.no.

Figur 1. Svart grense er varsla plangrense 09.03.2022. Utviding av planområde er synt med raud stripla line.
Sist oppdatert