Edland skule

Edland skule ligg i bygda Edland i Vinje kommune. Skulen ligg fint til, omkransa av eit flott kulturlandskap, elva Bora og høge fjell. Her er 79 elevar frå 1.-10.trinn, elevane kjem frå bygdene Edland, Haukeli, Vågslid, Arabygde, Grungedal og Vå.

Edland skule er ein mobilfri skule med fokus på inkluderande skulemiljø. Skulen er med i programmet Aktiv 365 , der elevane får opplæring i å vera aktivitetsleiarar i friminutta. Me har òg eit stort skogsområde som elevane nyttar til kreativ leik. Me har fokus på eit godt læringsmiljø der kvar elev skal oppleva skulen som «ein god stad å vera og ein god stad å lære». Skulen har symjehall og idrettshall. Kvar haust og vinter har heile skulen fjelltur for alle klassetrinn i i nærområdet til Hardangervidda. Elevane får i grunnskulen vera med på 10 ulike fjellturar.

Skulen arrangerar leirskule i Kragerø, vinterleirskule på Songa og Polentur.

Elevane får kvar dag servert gratis skulemat på skulen.

Småskuletrinnet

1.-2. trinn går på skulen fire dagar i veka, dei har fri på torsdag. 3.-4. trinn går på skulen fem dagar i veka, dei har fri torsdag i oddetalsveker. Me satsar på uteskule, lesing i alle fag og eit godt og inkluderande læringsmiljø i alle fag.

SFO er for 1.-4. trinn.

Mellomtrinnet

5.-7. trinn går på skulen kvar dag, men har fri torsdag i oddetalsveker.
(7. klasse er på skulen kvar 6. torsdagar der dei har naturfag). 7. klasse er på leirskule kvar vår i veke 22.
Me har kvart år leseprosjekt og arbeider for eit godt og inkluderande læringsmiljø i alle fag.

Ungdomstrinn

8.-10. trinn går på skulen kvar dag. Dei har kortare friminutt enn mellomtrinnet. Ungdomsskulen har i år valfaga innsats for andre og natur og miljø – Jegerprøva. 8. klasse er på vinterleirskule til Songa kvar vinter. 10. klasse er til Polen tidleg på hausten, der ein sjølvsagt del av dette er inkluderande skulemiljø.