23. mars 2023 kunne ordførar Jon Rikard Kleven overlevere det synlege beviset på at Vinje kommune er sertifisert som Miljøfyrtårn.
Gjennom sertifiseringa får kommunen konkrete verktøy for å jobbe målretta med å forbetre miljøprestasjonane sine innan områda arbeidsmiljø, avfallshandtering, energibruk, innkjøp og transport. Dette gjev kommunen endå betre føresetnader for å bidra til å oppnå fleire av FNs berekraftige mål. Desse måla kan du lese her.
Det er totalt 22 undereiningar som skal sertifiserast i Vinje kommune. Kommunehuset er no sertifisert som hovudkontor, underliggjande einingar er barnehage, skule, helseinstitusjonar, bibliotek, samfunnshus mm. Planen er å sertifisere skular og barnehagar fyrst, deretter helseinstitusjonar osv. Det kan gjennomførast gruppesertifisering for liknande einingar. Kommunen har som mål å sertifisera alle verksemder innan utgangen av 2024.