Kommunedelplanen for idrett, fysisk aktivitet og friluftsliv i Vinje skal reviderast. Me ber om innspel frå organisasjonar, lag eller andre interesserte.

Frist for innspel 31.desember 2020.
 

Gjeldande plan kan du sjå her

Planen er eit viktig styringsdokument for arbeid og utvikling av idrett, fysisk aktivitet og friluftsliv i kommunen. Særskilt i høve anleggsutbygging og prioritering av midlar til anlegg, samt tilgang til område for friluftsliv.

I arbeidet med revideringa har me vald å involvere aktuelle partar på eit tidleg tidspunkt. Idrettsrådet med sine respektive tilhøyrande lag, er i november invitera til ei samling der også representant frå VTIK (Vestfold og Telemark Idrettskrets) kjem. Då står Plan for idrett sentralt på agendaen. Det vil i samråd med laga, bli utarbeidd ei analyse for å sjå nærare på behovet for rehabilitering og utvikling av nye anlegg, i Vinje kommune.

Når framlegg til Plan for idrett er klar, vil den bli lagt ut på høyring. NY Kulturstrategi for Vestfold og Telemark vil også vera av betydning for vårt planarbeid. Høyringa for fylket sin strategi blir lagt ut etter 15.desember, med frist i februar.

Ved innspel/ spørsmål ta kontakt med: Silje Hagen, Eining for Kultur silje.hagen@vinje.kommune.no

Framdriftsplan