Frivilligsentralen

Vinje frivilligsentral er eit kontaktpunkt og bindeledd mellom dei som ynskjer å yte, og dei som ynskjer å ta imot frivillig innsats.

Sentralen fungerer som brubyggjar for menneske, frivillige lag og oprganisasjonar og det offentlege. Frivilligsentralen sin funksjon er i hovudsak å initiere, mobilisere og samordne frivillig innsats i kommunen. Sentralen stimulerer einskildpersonar og grupper i Vinje til å bruke seg sjølv i frivillig arbeid ved å:

• vera ein pådrivar og leggje til rette for frivillig arbeid
• vera ein ressurs for frivillig arbeid i Vinje
• synleggjera eksisterande frivillig arbeid
• utvikle gode samarbeidsformer mellom profesjonelle og frivillige
• bidra til auka samarbeid mellom ulike frivillige organisasjonar og grupper
• stimulere frivillige til å melde behov til frivilligsentralen og offentlege etatar
• vera eit supplement til dei offentlege tenestetilboda

Dersom det er noko frivilligsentralen kan hjelpe deg med, er det berre å ta kontakt på e-post eller telefon. Vinje frivilligsentral har kontorplass på kommunehuset, saman med kultur. Det er også veldig triveleg om du vil koma innom her.