Kultur- og idrettsstipend
Er du mellom 16 og 25 år og har eit talent eller interesse utanom det vanlege innan sport eller andre kulturaktivitetar?
Då kan du søkje Kulturstipend eller Idrettsstipend – kvar på kr 25 000,-
Intensjonen bak desse stipendmidlane er å vidareutvikle din dugleik og interesse.
Stipenda blir lyst ut i november kvart år, i Vest-Telemark blad, heimesida og sosiale media.
Søknadsfristen er 1. desember
Vedtekter
- Kvart år vert det utlyst to stipend, eit Kulturstipend og eit Idrottsstipend, kvar på kr 25 000,-
- Utøvarar som har heimeadresse i Vinje, og som er mellom 16-25 år, kan søkje.
- Same utøvar kan få stipend inntil to gonger, men ikkje to år på rad.
- Søkjarane må kunna dokumentere dugleik, talent og interesse utanom det vanlege på sitt område. Tilrådingar frå lag/organisasjonar og personar som meinar søkjaren er kvalifisert til å få eit Kultur – eller Idrottsstipend, kan leggjast ved søknaden.
- Intensjonen er at stipendmidlane skal føre til ei vidareutvikling av interesse og dugleik. Det må difor gå fram av søknaden kva midlane skal nyttast til.
- Idrottsråd og Eining for kultur vurderer søknadane og gjev sine fagleg råd innstilling. Eining for kultur legg fram ei sak med desse tilrådingane til Oppvekst- og velferdsutvalet som gjer endeleg vedtak om tildeling av stipenda.
- Intensjonen er at stipenda skal delast ut årleg. Men dersom tildelar finn at ingen av søkjarane er kvalifiserte, kan dei avsette stipendmidlane nyttast til ungdomsprosjekt.
- Det skal brukast eige søknadsskjema.
- Utlysing 1. november
Vedteke i Oppvekst og velferdsutvalet 03.02.2010
Sist oppdatert