Miljøfyrtårn

Miljøfyrtårn er eit miljøleiingssystem for offentlege og private verksemder, som ynskjer å dokumentere sin miljøinnsats. Gjennom heilskapleg og langsiktig arbeid med miljøleiing, skal kommunen betre sine miljøprestasjonar, redusere klimagassutsleppa, og bidra til å vera ein berekraftig kommune.  

Arbeidet med miljøfyrtårn er delt inn i 2 delar:

1. Miljøkartlegging 
   
2. Årleg klima- og miljørapportering 

Miljøfyrtårn tek for seg 5 tema: 

• HMS 
• Transport
• Energi
• Avfall 
• Innkjøp

Som Miljøfyrtårnbedrift får du hjelp til å setje i verk konkrete og lønsame berekraftstiltak, som er viktig for verksemda si konkurransekraft i åra framover. Ei Miljøfyrtårnsertifisering kan også bidra til å styrkje merkevare, redusere sjukefråvær, redusere kostnadar og vera eit kvalitetsstempel for verksmeder. Les meir her, på miljofyrtårn.no Lenke til et annet nettsted.

For å vera eit Miljøfyrtårn må verksemda fyrst bli sertifisert, så må den kvart år levere ein klima- og miljørapport. Verksemda blir resertifisert kvert tredje år.

Miljøfyrtårn passar for alle typer verksemder, frå små og mellomstore verksemde, til store konsern, kommunar og fylkeskommunar. Miljøfyrtårn har i dag over 80 bransjekriterie, som betyr at Miljøfyrtårnarbeidet er tilpassa rammene for den enkelte verksemd. 

Les meir om korleis du blir sertifisert her Lenke til et annet nettsted.

Verksemder i kommunen som er miljøfyrtårnsertifisert

• Kommunehuset, resertifisert i 2026
• Norheimstunet, 2024
• Øyfjell oppvekstsenter avdeling skule, 2024
• Edland skule, 2024
• Rauland skule, 2025
• Edland barnehage, 2025
• Åmot barnehage, 2025
• Øyfjell oppvekstsenter avdeling barnehage, 2025
• Bruli bufellesskap avd. psykisk helse og rus, 2025
• Svingen og Reini bufellesskap avd. funksjonshemmet, 2025
• Heimetenesta i Åmot, 2025
• Rauland omsorgssenter, 2025

👉 Her kan du sjå ei samla oversikt over sertifiserte verksemder i Vinje kommune pdf, 189 kB, åpnes i nytt vindu.