Viltforvaltning

I forskrift om forvaltning av hjortevilt finn du nærare omtale av kva for krav som gjeld ved opning av jakt på hjortevilt, krav til vald og bestandsplanar.

I Vinje er forvaltninga av elg- og hjortebestanden planbasert, det vil sei at desse artane blir forvalta etter 3 årige bestandsplanar, godkjend av kommunen.

Forvaltninga skjer gjennom Vinje bestandsplanområde som består av 8 vald. I tillegg til dette 5 enkeltståande vald.

Vinje viltråd blei etablert i 2008.  Rådet er samansett av ein representant frå alle storvalda i kommunen samt leiar i Plan- og miljøutvalet. Administrasjonen er med som sekretær for rådet.

Alle kvotar, sett dyr data, felte dyr med meir blir lagt inn i det sentrale Hjorteviltregisteret Lenke til et annet nettsted, åpnes i nytt vindu.

Rovviltberedskap

Statens naturoppsyn (SNO) er ansvarleg for skadedokumentasjon og praktisk gjennomføring av bestandsregistreringer.

• Kontaktinformasjon til det lokale og regionale naturoppsynet finn du på heimesida til Miljødirektoratet her Lenke til et annet nettsted, åpnes i nytt vindu.

Rovviltet blir forvalta i 8 regionar, der Vinje er med i region 2.

Meir om forvaltninga i region 2 finn du her Lenke til et annet nettsted, åpnes i nytt vindu.

Kadaverfunn

Ved funn av kadaver er det viktig at du melder ifrå til beitelag/dyreeigar. 
Merk kadaveret så godt som mogleg.

Fallvilt er all vilt som er skada, sjukt eller daudt i naturen.
Skada hjortevilt som må avlivast, og hjortevilt som vert felt som skadedyr, er eigd av kommunen.

Fallvilt av andre artar er eigd av det statlege viltfondet.

Arbeidet med fallvilt er ei kommunal oppgåve, og kommunen har eige fallviltgruppe som handterer dette.

Oppgåvene til gruppa er å utføre kommunen sine oppgåver knytt til:

• Fallvilt
• Skada vilt som må avlivast
• Vilt som fellast som skadedyr
• Kommunen sine oppgåver i høve ettersøk under ordinær jakt

Dyr som kan nyttast til mat skal godkjennast av Mattilsynet. Kjøtet vert seldt til inntekt for viltfondet.

Påkjørsel av vilt skal varslast til politiet på 02800

Ettersøksavtale

Ved all jakt på storvilt er det krav om tilgang på godkjend ettersøksekvipasje.  Etersøksevipasje er hund og førar som er godkjent til å påta seg oppdrag på vegne av det offentlege.
Dersom du ikkje har dette sjølv eller i eige jaktlag må de inngå ettersøksavtale med godkjend ekvipasje.

• Skjema for å søke om ettersøkshund, finn du lengre ned på sida under skjema.