Fast skjenkeløyve

Serveringsstadar som ynskjer å skjenke alkohol må søkje om både serveringsløyve og skjenkeløyve.
Løyvet blir gjeve til den personen eller selskapet som har det økonomiske ansvaret for drifta.

Søknad skal sendast på elektronisk søknadsskjema.
Lenke til skjema finn du under boksen skjema, lenger ned på denne sida

• I søknaden må det bli opplyst om skjenkestaden, skjenkearealet (planteikning/kart), eigarforhold og kven som skal vera styrar og vara. 
• Styrar og vara må legge ved kopi av bestått kunnskapsprøve i alkohollova.
• Det må ligge ved kopi av bestått etablerarprøve for dagleg leiar. 
• Søkjar, eigar, styrar, vara og eventuelt andre med vesentleg innflytelse på verksemda må ha utvist uklanderleg vandel. 

Søknadar om skjenkeløyve blir handsama politisk i Oppvekst- og velferdsutvalet (OVU).
Søknadane blir sendt til politiet, mattilsynet og skatteetaten for uttale.
Det kan ta opp til 3 veker før me får svar av desse etatane.

Løyvehavar pliktar straks å melde ifrå til kommunen dersom styrar eller vara sluttar, dersom det skjer eit eigarskifte, flytting av lokal, ved avvikling eller liknande.

Alle som har fast skjenkeløyve må kvart år betale eit gebyr til kommunen.
Storleiken på gebyret avheng av kor mykje alkohol som blir selt.
Det er eit minimumsgebyr som blir fastsett i loven. 
Opplysningar om antal liter som er selt skal rapporterast årleg til kommunen på elektronisk skjema, innan 1. mars. 

Lenke til skjema finn du i skjema boksen lenger ned på denne sida.