Barnehagemyndigheit

Barnehagelova ligg til grunn for barnehagemyndigheita si utøving av myndigheit. Kommunen er lokal barnehagemynde og skal sjå til at barnehagane fylgjer og blir drive i samsvar med regelverket.

Barnehagemynde har tre verkemiddel til disposisjon: rettleiing, tilsyn og godkjenning. Barnehagemynda har som oppgåve å godkjenne barnehagar, behandle søknader om dispensasjonar, finansiere private barnehagar, og andre myndigheitsoppgåver som fylgjer av barnehagelova med forskrifter.

Barnehagemyndigheita kan gje pålegg om å rette opp ulovlege eller uforsvarlege tilhøve i barnehagane. Den skal syte for at regelverk blir fylgt, som inneber å vurdere risiko for brot på barnehagelova, og plikt til å bruke verkemidla slik at barnehageeigar si praksis er i samsvar med regelverket.

For å sikre rettstryggleiken til alle barnehagane i kommunen og sikre legitimiteten av arbeidet, er kommunen si eigarrolle i barnehagesektoren fråskilt frå myndigheitsrolla.

Les meir om kommunen si rolle som barnehagemyndigheit her Lenke til et annet nettsted.