Strategi for tenesteutvikling og digitalisering

Strategien har fylgande hovudmål:

• Auka effektivitet og frigjering av ressursar
• Auka kvalitet og nøgde innbyggjarar
• Godt personvern, god tryggleik og god beredskap
• Minst mogleg klimaavtrykk

Tenesteutviklinga og digitalisering i Vinje kommune skal vere systematisk og heilskapleg.

Strategien har fylgande delmål:

• Me jobbar etter sentrale prinsipp for digitaliseringa av det norske samfunnet, slik som digitalt fyrsteval, sjølvbetening, orden i eige hus, gjenbruk og deling av data, universell utforming, persontilpassing og samanhengande tenester med brukaren i sentrum.
• Me sørger for godt samsvar mellom strategiar, tenester, arbeidsprosessar og IT-system (verksemdsarkitektur).
• Me forstår behova til innbyggjarar og tilsette, og legg desse til grunn for endring.
• Me sørger for god involvering, medverknad, informasjon og opplæring for alle interessentar i endringsprosessar.
• Me sørger for nødvendige endringar i arbeidsprosessar og organisering for å hente ut økonomiske og kvalitative gevinstar.
• Me er aktive brukarar av ny teknologi, utnyttar eksisterande IT-system og unngår overlappande funksjonalitet.
• Me nyttar nasjonale fellesløysingar, og bidrar til utvikling av desse når det er tenleg.
• Me integrerer IT-systema våre, og automatiserer arbeidsprosessane våre når det er tenleg.
• Me har høg standard på, og oppfyller lovkrav til, personvern, dokumentasjon, IT-tryggleik og datadeling (informasjonsforvaltning).
• Me vurderer og handterer risiko på ein systematisk måte.
• Me fylger opp leverandørar på ein systematisk måte.

Teneste- og prosessutvikling

• Etablere system for heilskapleg styring av utviklingstiltak (porteføljestyring), inkludert prosedyre for innkjøp og innføring av nye IT-system/teknologi, og for endring og ny funksjonalitet i eksisterande IT-system/teknologi (prosjektstyring).
• Fylge med på den teknologiske utviklinga, og kontinuerleg kartlegge behov og moglegheiter for effektivisering, inkludert utvida bruk av eksisterande IT-løysingar og fellesløysingar.
• Fylge med på og ta del i pilotprosjekt, utviklingsprosjekt og nasjonale innføringsløp når det er relevant og ynskjeleg.

Drift og forvaltning

• Etablere heilskapleg system- og dataforvaltning, inkludert applikasjonsoversikt, arkivplan, behandlingsprotokollar, databehandlaravtaler, driftsavtaler/kontraktar, risikoanalysar og beredskapsplanar.
• Styrke rolla til systemeigarar, systemansvarlege og superbrukarar, inkludert rolleskildring, rettleiing og insentivordningar.
• Sørge for tett og systematisk samarbeid og tydeleg arbeidsdeling mellom VTDS og kommuneadministrasjonen.

Samarbeid og organisering

• Fylge opp, og eventuelt initiere, nye samarbeid knytt til digitalisering, tenesteutvikling og tenesteyting i Vest-Telemark, til dømes informasjonsforvaltning.
• Ta aktivt del i fagnettverk i Vest-Telemark og DigiTV.
• Jobbe for å få innverknad på regionale og nasjonale digitaliseringsprosessar i KS Digital, Digdir etc., til dømes via høyringar og deltaking i pilotar.

Kompetanse og kultur

• Fremje digital kompetanse og endringskultur som ein del av kommunen sitt arbeid med kompetanseheving og organisasjonsutvikling.
• Fremje tryggleikskulturen i organisasjonen, til dømes gjennom analysar av risiko (ROS) og personvernkonsekvensar (DPIA), og vedlikehald av databehandlaravtaler og behandlingsprotokollar.
• Rekruttere medarbeidarar med endringsvilje og grunnleggande digital kompetanse.
• Legge til rette for at innbyggjarane kan auke sin digitale kompetanse gjennom tilgang til opplæring og rettleiing.

• Strategien skal fylgast opp med ein meir detaljert handlingsplan/portefølje.
• Strategien har ingen utløpsdato, og gjeld til noko anna blir vedtatt. I tråd med kommunal planstrategi skal strategien bli revidert årleg. Den årlege revisjonen gjeld i fyrste rekke handlingsplan/portefølje, men kan også omfatte den meir langsiktige strategien når det er nødvendig og ynskjeleg.
• Formannskapet skal få ein årleg rapport frå arbeidet med strategien som ein del av kommunen si årsmelding.
• Oppfylging av strategien/porteføljestyring er tema i kommunen si leiargruppe ein gong i månaden.