Reguleringsplan for Storrlineset del 2, i Vågslid er vedteke

Klagefrist er 14. august 2026

Vinje kommune kunngjer at reguleringsplan for Storrlineset del 2, planID 20210002 er vedteken i kommunestyret 16.06.26, sak 56/26.

Planen legg til rette for ei utviding av det eksisterande hyttefeltet på Storrlineset med 65 nye tomter med tilhøyrande infrastruktur, grønstruktur og fellesareal. Intensjonen er å halde fram med planlagt utbygging i omtrent same tettleik og med liknande høgder og utnyttingsgrad som i områda rundt. Eksisterande infrastruktur vil bli regulert som bygd, og den vil delvis bli brukt av nye tomteeiningar. Ny infrastruktur er regulert som tilkomstvegar til nye tomteområde, ny VA-infrastruktur syner ein med omsynssoner i plankartet.

I planen er det lagt til rette for eit mellombels massetak som skal sikre lokale masser til intern bruk ved opparbeiding av vegar og tomter. Det er òg sett av areal til støy- og skjermingsvoll og fangdam, knytt til det mellombelse massetaket.

Du kan klage på vedtaket innan 14.08.26

Klaga må vera skriftleg og merkast med «klage på Storrlineset del 2». Dersom det kjem inn klager på tilhøve som allereie er vurderte og avklarte i saka, vil innstillinga i klagehandsaminga vere å ikkje ta klagene til fylgje.

Dersom du meiner at reguleringsplanen fører til tap som gjev grunnlag for erstatning, må du fremje kravet skriftleg innan tre år frå denne kunngjeringa. Etter dette fell retten til erstatning bort.

Du må sende klaga eller erstatningskravet på e-post til postmottak@vinje.kommune.no eller til Vinje kommune, Vinjevegen 192, 3890 Vinje. Dersom kommunen ikkje tek klaga til fylgje, blir den sendt til statsforvaltaren. Statsforvaltaren tek endeleg stilling til klaga.

Meir informasjon

Planen og alle dokument i saka finn du her i kommunen sitt planregister, arealplanar.no Lenke til et annet nettsted, åpnes i nytt vindu.

Her kan du sjå planutkast i 3D-visning Lenke til et annet nettsted, åpnes i nytt vindu.

Kontaktinformasjon

Ta kontakt med sakshandsamar på telefon 48 11 84 29 eller e-post: anne-sofie.stromme@vinje.kommune.no om du har spørsmål til planen. Du kan også ta kontakt med tenestetorget på tlf. 35 06 23 00.