Stortings- og sametingsvalet 2025

For å kunne stemme ved storting- og sametingsvalet 2025 må du stå i manntalet.

Manntal

Manntalet er ei oversikt over alle som har stemmerett i ein kommune. Du blir registrert automatisk i manntalet i den kommunen du er folkeregistrert som busett i, den 30. juni 2025. Denne datoen blir kalla for skjeringsdatoen.

Når og kvar vert manntalet lagt ut?

Manntalet vert lagt ut så snart det er klart. Manntalet vil ligge ute til og med valdagen 8. september 2025.

Manntalet for heile kommunen og Sametinget valmanntal blir lagt ut på:

• Vinje kommunehus, Tenestetorget
• Biblioteka i kommunen - Åmot, Rauland og Edland

Kvifor vert manntalet lagt ut?

Alle kommunar i Noreg er plikta til å gjere manntalet offentleg tilgjengeleg slik at du kan kontrollere eigne opplysningar og sende inn klage dersom det er feil i manntalet.

Feil i manntalet?

Send ein skriftleg og grunngjeven klage til valstyret i Vinje, Vinjevegen 192, 3890 Vinje, dersom du oppdagar feil i manntalet.

For sametinget: send inn krav om retting av manntalet til Sametinget, postboks 3, 9730 Karasjok. Kravet må vera skriftleg og grunngjeve. Du kan og bruke Sametingets e-dialog teneste som du finn på nettsida til Sametinget, sametinget.no Lenke til et annet nettsted, åpnes i nytt vindu. for å sende inn kravet.

Har du flytta eller skal du flytte?

Flytter du til ein annan kommune må du melde flytting til folkeregisteret innan 30. juni for å bli ført inn i manntalet i den nye kommunen. Flyttar du til ein annan kommune etter denne datoen står du i manntalet i kommunen du flyttar frå.