Tilflyttarpakker

For å vise at me set ekstra stor pris på at du har vald å flytte hit til Vinje, ynskjer me å gje deg ei velkomstpakke. Du får velkomstpakka ved å møte opp på Tenestetorget, som ligg i 1. etasje i kommunehuset i Åmot.  

Me har skreddarsauma fire ulike pakker, der du kan velje den pakka du har mest lyst på. Alle pakkene inneheld informasjon om ulike tenester og tilbod, eit gåvekort, og informasjon om andre gode tilbod, ut i frå kva kategori du vel. 

Du kan velje ei av desse pakkene: 

• Standard
• Den aktive
• Familien
• Kultur- og tradisjonsentusiasten

Ta gjerne kontakt med Vinjelosen, for ein uformell prat eller om du har spørsmål om kommunen og velkomstpakka.

Kven kan få pakka?
Du må ha folkeregistrert adresse i Vinje, og pakkene blir levert ut til dei som har meldt flytting til Vinje etter 1. august 2024. 

Hjarteleg velkomen som innbyggjar i kommunen vår 🌸