Hjå oss kan du velje mellom kilometervis av merka fotturløyper, ride på hest, sykle turar, fiske i klare fjellvatn, delta på handverkskurs, ta eit høgfjellscruise på Møsvatn med M/B Fjellvåkn II og vere med på mange spanande aktivitetar for store og små.

Vinje kommune er også kjent for sine mange forfattarar, kunstnarar og musikarar. Dersom du reiser ein tur "Vinje rundt", kan du sjå innom dei mange musea og bygdetun som formidlar denne kulturarven som me er så stolte av.

I vintersesongen kan me by på fantastiske skiopplevingar for både liten og stor, anten det er i alpinbakken eller ute i dei mange mila med preparerte langrennsløyper. Me har mange morosame vinteraktivitetar å tilby, til dømes hundekøyring, snowrafting og snoskuterkøyring på bane.

Me har eit rikt tilbod av overnattingsstader, handels- og tenesteverksemder som gjer opphaldet ditt i Vinje til ei komplett oppleving !