Kommunestyret vedtok 16.04.2024 Vinje kommune sin Ungdomsstrategi for 2024–2028.
Denne strategien skal styre ungdomsarbeidet vårt framover, slik at det er trygt, meiningsfullt og morosamt å vekse opp i Vinje kommune.
Ungdomsrådet kom fram til fem innsatsområde dei meinte var viktige å ha med i strategien:
- Oppvekst
- Helse
- Til- og tilbakeflytting
- Fritidstilbod
- Møteplassar
Ungdomsrådet har også kome med innspel og forslag til innhaldet under kvart av innsatsområda, samt mål. Etter ynskje frå Ungdomsrådet har ungdom- og SLT-koordinator vore rundt på ungdomsskulane i Edland, Rauland og Åmot og gjennomført idéverkstader, slik at ungdomsskuleelevane har fått høve til koma med forslag til innspel og endringar direkte inn i strategien.