Pårørandekonferansen 2026
For fjerde år på rad syner Vinje kommune Pårørendesenteret sin Pårørandekonferanse, som er ein digital, nasjonal konferanse for pårørande og fagpersonar.
23.september ynskjer me velkommen til Vinjehuset for ein dag der pårøranderolla står i fokus.
Programleiarar for konferansen er dagleg leiar ved Pårørendesenteret Unn Birkeland og standupkomikar Else Kåss Furuseth. Årets artist er Inger Lise Hope.
Arrangementet er gratis. Det er inga påmelding, men tilsette i Vinje kommune må melde seg på i tråd med intern informasjon. Det blir servert lunsj kl 12.00 -12.45
Pårørandesenteret skildrar innhaldet i konferansen slik:
"Pårørendekonferansen 2026 ser nærmere på hvordan vi kan overkomme motstanden mellom nasjonale løsninger og kommunale realiteter, mellom behov og ressurser, fag- og pårørenderoller."
Program for dagen
Kl 09.30-10.00
- Opning av dagen ved ordførar Jon Rikard Kleven
- Informasjon om pårørandearbeidet ved tilsette i Helse og meistring Vinje kommune
- Digital heimeoppfylging – ei støtte for pårørande ved prosjektleiar Anne Guro Hommo
Kl 10.00 -14.30
- Syning av konferansen på storskjerm
Sanitetslaga i Vinje stiller med gode representantar som vil bidraga med hygge og kaffemat i pausene. Dei vil også markere Sanitetens veke i form av brosjyrar og roll-ups.
Me håpar å sjå mange på Vinjehuset denne dagen!
Sist oppdatert