Kommunekompasset
Kommunekompasset skildrar den ideelle forvaltningspraksisen i ein kommune. Kommunen blir målt opp mot dette idealet, og får ein rapport om kor nært eller langt i frå me står idealet.
Noreg står føre grunnleggjande endringar i demografi i åra framover, med fleire eldre, svakare tilgang til arbeidskraft og ein meir pressa kommuneøkonomi. Vinje går heller ikkje klar av desse utfordringane.
Det er venta nær dobbelt så mange over 80 år innan 2040, og parallelt med knappheit på arbeidskraft, gjer det til at me må sjå på korleis me kan løyse velferdsoppgåvene våre betre enn det me gjer i dag.
Me har no starta opp ein administrativ prosess for å utvikle organisasjonen. Målet er å gjere oss betre rusta til å handtere dei utfordringane me ser kjem. Arbeidet startar med kartlegging av det som påverkar kor mykje ei teneste kostar og kva me får att for pengane me nyttar. Me vil nytte kommunekompasset som verktøy for å hjelpe oss.
Les meir om kommunekompasset her
Kommunekompasset vurderer fire perspektiv på korleis den kommunale organisasjonen jobbar:
- Demokrati, samspel og samfunnsutvikling
- Styring og effektivitet
- Service og kvalitet
- Leiarskap og medarbeiderskap
Innanfor desse fire perspektiva er det åtte delområde som blir vurdert:
- Offentligheit og demokrati
- Samfunnsutvikling
- Styring og kontroll
- Effektivitet
- Brukarfokus
- Kvalitetsutvikling
- Arbeidsliv
- Leiarskap og medarbeiderskap
Slik arbeider me med Kommunekompasset
Rapporten me får skal gje oss eit godt bilde på kva som er kommunen sine utfordringar som organisasjon, og gje oss grunnlag for å vurdere kva kommunen bør prioritere av utviklingsarbeid framover. I prosessen vil me involvere politikarar, toppleiinga, den utvida leiargruppa, tillitsvalde, hovudverneombod og andre ved behov.
I januar starta me med ein temadag om økonomi for politikarar, og ein temadag for den utvida leiargruppa. Utover våren har det vore ulike arbeidsmøte for å kartlegge nosituasjonen, og moglegheitsromet me har. Samstundes har Håvard Moe frå Nivi Analyse gjennomført ei evaluering av forvaltningspraksis, og vil presentere den samla rapporten i Administrasjonsutvalet 18. august.
I september skal kommunedirektøren fremje ei såkalla rammesak for kommunestyret, der all dokumentasjon blir lagt med. Der skal kommunestyret gjere vedtak om kva for tiltak som skal utgreiast og/eller innarbeidast i økonomiplanen for åra 2027-2030. Så vil budsjettbehandlinga i desember gje det endelege svaret på kva kommunestyret ynskjer å gjennomføre av tiltak.
Rapport frå NIVI Analayse ved Håvard Moe
- Les presentasjon frå del 1 av rapporten her pdf, 9 MB, åpnes i nytt vindu.
Rapporten blei lagt fram i formannskapet 9. april 2026. - Les presentasjon frå del 2 av rapporten her pdf, 9 MB, åpnes i nytt vindu.
Rapporten blei lagt fram i administrasjonsutvalet 18. august 2026 - Sjå opptak frå presentasjonen i Administrasjonsutvalet her Lenke til et annet nettsted, åpnes i nytt vindu.
Rammesak for økonomi og handlingsplan for 2027 - 2030
Her kan du lese saka frå kommunedirektøren, som skal leggast fram for politikarene i septemeber:
Les hovuddokument i saka her pdf, 41 MB, åpnes i nytt vindu.
Detaljert presentasjon av arbeidspakkene
Sjå alle arbeidspakkene her:
Sist oppdatert