Med heimel i §12-8 i plan og bygningslova varslar Feste Sør AS, på vegne av Vinje kommune, start av arbeidet med detaljregulering for Tangen på Møsstrond i Vinje kommune.
Plassering og avgrensing av planområdet er vist på kartet.
Planområdet er på ca. 1900 daa.
PlanID 20220002 Tangen
Målet med planen er å leggje til rette for stadbunden næring og eit berekraftig grunnlag for fast busetjing på Møsstrond. Det er gjennom planarbeidet ynskjeleg med dialog med lokalsamfunnet om å utvikle tiltak som styrkar eksisterande busetjing, som også kan føre til ny busetjing.
I arealdelen av kommuneplanen er området sett av til spreidt bustadbygging og LNF-område. I regional plan for Hardangervidda 2019-2035 er planområdet regulert til «fjell og fjordbygder». Planområdet er i dag uregulert. Tiltaka ein ynskjer å få til er i tråd med overordna plan.
