Støtte til energieffektivisering
Kommunen tilbyr støtte til energieffektivisering (ENØK) i næringsbygg. Private verksemder med adresse eller avdeling med rekneskap i Vinje kommune kan søke om støtte. Kommunen handsamar søknadar fortløpande og gir tilskot inntil ramma er brukt opp. Meir informasjon og søknadsskjema ligg på www.vinjenett.no.
Statlege straumstøtteordningar
Nasjonal energitilskotsordning
Regjeringa har etablert ei ny søknadsbasert tilskotsordning for verksemder spesielt råka av høge straumprisar. Tilskotet gjeld for kostnadar frå 1. oktober til og med 31. desember 2022. Ordninga er lansert og blir administrert av Enova via nettsida www.energitilskuddsordningen.no. Her finn du informasjon om ordninga og kva du bør gjere alt no for å førebu ein eventuell søknad. Søknadsfristen er 11. desember 2022.
(Kjelde: www.regjeringa.no)
Nasjonal lånegarantiordning
Regjeringa har etablert ei subsidiert garantiordning for banklån. Dette inneber at staten garanterer for inntil 90 prosent av beløpet i nye banklån til verksemder som står overfor ein akutt likviditetsmangel som følge av høge straumutgifter.
(Kjelde: www.regjeringa.no)
Fastprisavtaler på strøm
Regjeringa arbeider for å legge betre til rette for fastprisavtaler på strøm. Les siste pressemelding om temaet her
(Kjelde: www.regjeringa.no)
Kommunalt næringsfond
For å stimulere til næringsutvikling kan kommunen gje økonomisk støtte til einskilde verksemder og næringsprosjekt. Søknadar blir handsama politisk.
Fast tilskot til reiselivs- og næringsutvikling
Dei tre næringslaga i kommunen (Rauland, Vinje/Øyfjell og Haukeli/Vågslid) får ei årleg støtte frå kommunen til å drive reiselivs- og næringstuvikling. Tilskotsordninga er utforma som ei behovsprøvd ramme, med krav til eigenandel.
| 2022 | 2023 | F.o.m. 2024 | |
| Rauland Turist AS - støtte totalt | 1 970 000 | 1 500 000 | 1 500 000 |
| Tilskot husleige turistkontor | 220 000 | ||
| Sal av aksjar | 250 000 | ||
| Tilskot reiselivs- og næringsutvikling | 1 500 000 | 1 500 000 | 1 500 000 |
| Eigenandel | 65% | 60% | 55% |
| Vinje næringslag - støtte totalt | 1 050 000 | 1 000 000 | 1 000 000 |
| Tilskot husleige turistkontor | 50 000 | ||
| Tilskot reiselivs- og næringsutvikling | 1 000 000 | 1 000 000 | 1 000 000 |
| Eigenandel | 25% | 25% | 30% |
| Haukeli næringslag - støtte totalt | 1 050 000 | 1 000 000 | 1 000 000 |
| Tilskot husleige turistkontor | 50 000 | ||
| Tilskot reiselivs- og næringsutvikling | 1 000 000 | 1 000 000 | 1 000 000 |
| Eigenandel | 25% | 25% | 30% |
| Kommunal støtte totalt | 4 070 000 | 3 500 000 | 3 500 000 |
For å få tilskot må næringslaga/destinasjonsselskapa legge fram ein plan som skisserer tiltak, inkludert kostnader/inntekter og finansiering. Tiltaka må vere innanfor vedtekne planar, føresegner, lovar og reglar. Kommunen vurderer og tilrår tilskot administrativt, innom løyvde rammer. Næringslaga/destinasjonsselskapa må dokumentere bruken av tilskotet i etterkant.
Tilskot til landbruksføremål
Vinje kommune støttar tiltak og investeringar i landbruket som medverkar til auka lønsemd, produksjon, tal bruk i drift, rekruttering og busetjing.
Telemark utviklingsfond
Telemark utviklingsfond vart etablert i desember 2009. Fondet skal være eit verkemiddel for å skape og underbygge ei positiv befolkningsutvikling og næringsutvikling i alle delar av det som utgjer Telemark fylke på det tidspunktet fondet vart oppretta. Fondet skal særleg støtte utviklingstiltak i næringssvake kommunar og kommunar med folketalsnedgang. Fondet byggjer på eit grunnleggande prinsipp om berekraftig utvikling.