Formannskapet vedtok 29.02.2024 i sak 22/24 å leggje kommunal planstrategi for Vinje kommune 2024-2027 ut på høyring.
Planstrategien skal vedtakast minst éin gong i kvar valperiode, og seinast eitt år etter at nytt kommunestyre er konstituert. Planstrategien skal fyrst og fremst avgjere om kommuneplanens arealdel og kommuneplanens samfunnsdel skal rullerast. I tillegg viser planstrategien for Vinje kva anna større planarbeid som skal gjennomførast i perioden, og i kva rekkjefylgje det skal gjerast.
Hovudpunkt i utkastet til planstrategien:
- Det er ikkje lagt opp til å rullere kommuneplanens samfunnsdel i denne perioden.
- Rulleringa av kommuneplanens arealdel er i gang, samt rullering av KDP Åmot og KDP Rauland.
- Dei andre kommunedelplanane (Edland/Haukeli, Rukkemo-Torvetjønn og Vågslid) skal ikkje rullerast i denne perioden jf. utkastet til planstrategien.
Som vedlegg til saka ligg Utfordringsnotat og Tal om Vinje.
Frist for innspel til planstrategien:
- 11.04.2024.
- Innspela kan sendast på e-post til postmottak@vinje.kommune.no, eller til Vinje kommune, Vinjevegen 192, 3890 Vinje.