Samtykke frå andre styresmakter
I nokre tilfelle kan søknad om nytt tiltak utløyse krav om samtykke frå andre styresmakter
Informasjon om samordningsplikta til den kommunale styresmakta står i plan- og bygningslova §21-5 og byggesaksforskrifta SAK10 § 6-2.
Dersom eit tiltak må ha løyve eller samtykke frå anna styresmakt, eller når planar skal leggjast fram for slik styresmakt, kan eller må kommunen vente med å avgjere saka inntil slik avgjersle/samtykke føreligg. Med andre ord så stoppar tidsfrist for sakshandsaming i den tida.
Søkjar/tiltakshavar kan velgje å innhente slik uttale/samtykkje sjølv i forkant av byggjesøknad. Der eit tiltak i utgangspunktet ville ha vore unnateke for søknadsplikt, er tiltakshavar sjølv ansvarleg for å skaffe slikt samtykke/vedtak for at unnataket skal vera gjeldande.
Samordningsplikta til kommunen omfattar styresmakter innan fylgjande område:
- Helse
- Brannvern
- Arbeidsmiljø (Arbeidstilsynet)
- Veg (Statens vegvesen)
- Hamn
- Forureining
- Sivilforsvaret
- Jordlov (Fylkesmannen)
- Friluft
- Kulturminne (Telemark fylkeskommune, kulturminnevern)
- Reindrifts
- Kyrkje
- Luftfart
- Bergverk
- Jernbane (Bane NOR)
Handsamingstida vil normalt vera lenger for saker som er avhengig av samtykke/vedtak frå anna styresmakt. Det kan koma eige gebyr for samtykke/vedtak frå aktuell styresmakt.
Om du har spørsmål kring dette så ta gjerne kontakt med oss.