Reglar for kommunalt tilskot til landbruksføremål
Vedteke i kommunestyret den 14.2.2013, revidert 3.6.2015, 20.3.2019, 26.1.2022.
Generelle krav
- Eigar eller brukar av landbruks – eller utmarkseigedom i Vinje kan søkje om tilskot etter dette regelverket – også fellestiltak. Det er krav om tiårig skriftleg leigeavtale der tiltaket skjer på leigd grunn.
- Større investeringssøknader skal godkjennast på førehand. Kommunen tek atterhald om ledige midlar
- Det er krav til minst ti års drift etter sluttgodkjenning av tiltaket på eigedomen. Det skal vere drift i tråd med til dømes driftsplan – dette gjeld uavhengig av eigarskifte. Blir drifta avvikla innan ti år kan kommune krevje at tilskotet blir betalt tilbake, med 10 % nedtrapping for kvart år.
- Det er søkjer sitt ansvar at tiltaket er i tråd med gjeldane lover og reglar.
- Klagefrist for vedtak etter regelverket er tre veker. Klageinstans er kommunal klagenemnd.
Sakshandsaming
- Søknader skal vere skriftlege. Kommunen set krav til søknader og dokumentasjon, jf. søknadsskjema. Søknader blir handsama fort¬løpande, og kan knyttes opp mot ev. søknad til Innovasjon Norge.
- I medhald av delegasjonsreglementet gjev plan- og miljøutvalet rådmannen mynde til å gjere vedtak i kurante saker etter regelverket. Dette gjeld og for andre søknader med løyving under kr 10 000,-.
- Sakshandsamar skriv vedtak, fastsett arbeidsfrist og vilkår som gjeld for tilskotet.
- Kommunen kan krevje dokumentasjon av kostnader, og kan krevje synfaring ved sluttgodkjenning
- Det kan søkjast om utsett arbeidsfrist, men ikkje meir enn totalt fem år. Kommunen kan utan varsel trekke inn løyvingar som ikkje er nytta innan fastsett arbeidsfrist.
- Søkjer kan få delutbetalingar undervegs i tråd med framdrift av tiltaket. Minst 10% av tilskotet skal haldast tilbake til sluttgodkjenning
- For større investeringssøknader skal søkjer gje ei skriftleg aksept av tilbodet.
Satsingsområde
| Driftsbygning for sau, geit og storfe. Nybygg, ombygging, eller oppgradering etter offentlege krav, samt stølsfjøs inklusive veg, vatn og straum. Også solcelleanlegg for landbruksdrifta | Inntil 20 % av kostnad - maks kr 600 000,- |
|---|---|
| Kjøp av privat eller statleg mjølkekvote for ku og geit | Inntil 100 % av statleg pris. Tillegg kr 1,0 for kvote internt i Vinje kommune. |
| Grøfting av dyrka mark – gjeld for lukka drensgrøft | Kr 60,- pr. meter grøft |
| Oppgradering av dyrka mark – utover ordinær fornying av eng | Kr 1 500,- pr da |
| Vatningsanlegg – faste installasjonar | Inntil 20 % av kostnad maks kr 100 000,- |
| Elektronisk overvaking av beitedyr – digitale bjøller, gjeld ikkje abonnement | Inntil 30 % av kostnad |
| Skogbruk – tilskot til motormanuell hogst. Dokumentert kvanta – virke for sal | Kr 100,- pr m3 for tømmer Kr 50,- pr. m3 for ved |
| Skiping av grunneigar- eller utmarkslag | Kr 5 000,- |
| Tilleggs- eller bygdenæringar på gardsbruk med utgangspunkt i eigedomen sine ressursar. Investerings – og etablerkostnader. Gjeld ikkje utleigehytter | Inntil 20 % av kostnad – maks kr 100 000,- |
| Grovfôrtilskot til veglause bruk på Møsstrond – for dei som mottek produksjonstilskot i jordbruket | Kr 100,- pr. da |
| Godkjent nydyrking til fulldyrka areal | Kr 5 000,- pr. da – maks kr 500 000,- over tre år. |
Grunnlag for tilskot er eks. meirverdiavgift.
Unntak frå reglane
- Fellestiltak som til dømes fellesstøl, samdrift kan støttast med tilskot inntil 20 %, maks kr 900 000,-
- Det kan gjevast tilskot til driftsbygning for andre husdyr enn nemnt over
- Plan- og miljøutvalet gjer vedtak i saker som gjeld unntak frå regelverket