USN sitt Institutt for tradisjonskunst og folkemusikk på Rauland har nasjonalt hovudansvar for høgare utdanning innan tradisjonskunst, folkemusikk og folkekunst
Flytte til Vinje - kampanje
Vinje kommune ynskjer å motivere studentar til å melde flytting til kommunen, slik at me kan gje studentane endå betre servicetilbod og tenester under heile studietida. Kvart år vil det vera ein kampanjeperiode i tidsrommet 1. august - 1. november.
Studentar som melder flytting til Vinje i kampanjeperioden får eit gåvekort på kr. 7000, som anten kan bli brukt til kjøp av sykkel og hjelm, kjøp av PC til bruk i utdanninga, eller materiell knytt til skulearbeidet.
Kriterie for å få tilskot
- Du må vera student og kunne leggje fram gyldig studentbevis.
- Du må ha meldt flytting frå ein annan kommune til Vinje kommune etter 1. august det aktuelle året, og må kunne leggje fram flyttemelding frå Skatteetaten om ny adresse i Vinje kommune.
- Du forpliktar deg til å ha bustadadresse i Vinje kommune under heile studietida.
- Registreringsfrist: 1. november det aktuelle året.
Dette får du når du melder flytting til Vinje
- Stemmerett i Vinje, slik at du kan påverke politikken.
- Betre kommunale tenester ved at kommunen får auka økonomiske rammer per nye innbyggjar.
- Tilskot til sykkel, datamaskin eller materiell knytt til skulearbeidet. Det må leggast fram kvittering for innkjøpet det blir søkt tilskot til, eventuelt eit dokumentert kostnadsoverslag for studiet.
Slik melder du flytting
- Gå inn og registrer flytting via nettsidene til Skatteetaten.
- Etter om lag ei veke vil du motta brev frå Skatteetaten om at di nye adresse er registrert.
- Fyll ut registreringsskjema og send denne, saman med stadfesting på flytting og gyldig studentbevis til postmottak@vinje.kommune.no
- Du vil innan 4 veker motta ei stadfesting om du får tilskotet. Når innkjøpet er gjort skal kvittering for dette sendast inn og tilskotet vil bli overført til din konto.
Registreringsskjema finn du her
Studentmeldinga
Studentmeldinga 2018-2021 er ein plan for utvikling av Rauland som studiestad og Vinje som vertskommune. Den vart vedteke av Vinje kommunestyre i sak 18/56, 28. juni 2018.
Meldinga kan du lese her
