Kommunen inviterer til ope møte ein gong i kvartalet, der næringspolitikk og næringsutvikling er tema. Ordførar og næringssjef tar del. Her set me viktige saker på agendaen, og inviterer deltakarene til å stille spørsmål og komme med innspel. 

Næringslivet i Haukeli, Rauland og Åmot har kvart sitt næringslag. Kommunen er representert i styremøta til næringslaga. I tabellen nedanfor finn du kontaktinformasjon til næringslaga.

Næringssjefen i kommunen og to representantar frå kvart av næringslaga utgjer saman eit næringsråd. Næringsrådet er eit organ for drøfting av viktige saker og samkøyring av arbeidet med næringsutvikling i kommunen. Kommunen kallar inn til møte i næringsrådet ved behov. Agendaen styrer kven som tar del frå næringslaga.

Vest-Telemark Næringsforum er ein møteplass for å fremje kompetanse og nettverksbygging mellom verksemder i Vest-Telemark. Les meir her

Gründernettverket er eit tilbod til oppstartsverksemder, verksemder i vekst og leiarar i små verksemder i heile fylket, finansiert av fylkeskommunen. Les meir her

Nettverk der verksemder, kommunar og akademia kjem saman for å lære av kvarandre, få praktisk kunnskap og bli inspirert til å gjere berekraftige endringar i eigen drift og investering. Les meir her