Les gode råd og tips om informasjonstryggleik og sjekk ut gratis opplæringsmateriell om digital tryggleik.
Kvart år blir nasjonal tryggleiksmånad arrangert i oktober, med føredrag, seminar, arrangement og kampanjar. Føremålet er auka engasjement, medvit og kunnskap om digital tryggleik i befolkninga og verksemdene.
I denne artikkelen frå Digital Norway kan du lese om ti svindeltrendar
For verksemder som ønskjer påfyll om digital tryggleik, finst det fleire kostnadsfrie opplæringsressursar. Her er nokre døme:
- Ein trygg digital kvardag - kurs i sju modular frå NorSIS
- Digital tryggleik - mikrokurs frå DigitalNorway
- Digital tryggleik - kurs i fire modular frå DigitalNorway
I Nasjonal tryggleiksmånad 2022 er fokus blant anna på svindel via e-post. Nedanfor er seks råd for å oppdage falske e-postar:
- Sjekk at det er samsvar mellom namnet og e-postadressa til avsendaren.
- Ver mistenksam mot generelle eller upersonlege helsingar som til dømes "Kjære ven".
- Ver mistenksam mot spørsmål om pengeoverføringar.
- Ver mistenksam mot spørsmål om betalingsopplysningar eller godkjenning av BankID. Ingen bankar ber om dette via e-post.
- Ver mistenksam mot e-post om nullstilling av passord utan at du har bedt om det.
- Sjekk kor lenker fører hen ved å halde musepeikaren over lenketeksten. Er du i tvil, ikkje klikk.
