Korleis ynskjer DU at det nye bustadfeltet Mobø i Raulandsgrend skal vera?
Kom på bustadverkstad/folkemøte på Raulandsakademiet, tysdag 20. februar 2024, kl. 18.00-20.00.
Her kan du koma for å høyre meir om planen, og for å koma med innspel og idear til det nye bustadfeltet.
Me vil skape eit attraktivt bustadfelt i Raulandsgrend, og ynskjer innspel frå innbyggjarane i Vinje for å forme konseptet og finne ut av kva type bustadfelt dette skal bli. Me ynskjer også å undersøkje høve for å leggje til rette for andre nytenkande alternativ, ut over den tradisjonelle buforma med store tomter og einebustadar, som allereie er tilgjengeleg i kommunen i dag.
Kva meiner du? Kva kunne du tenkt deg? Korleis lagar me eit spenstig og attraktivt bustadfelt i Raulandsgrend?
Har du spørsmål?
Ta kontakt med plan- og miljørådgjevar Anne-Sofie Bergene Strømme,
på telefon 48 11 84 29 eller på e-post: anne-sofie.stromme@vinje.kommune.no